Almatyda Memleket basshysynyń tapsyrmasyn oryndaý aıasynda ÚAAAJ bes radıaldy joldy uzartý jumystary júrgizilýde.
Qalalyq mobıldilik basqarmasy basshysynyń orynbasary Ernur Ábjahan atap ótkendeı, jalpy uzyndyǵy 3,2 km Saın kóshesin uzartý jumystary 65% - ǵa aıaqtaldy, dep habarlaıdy Almaty-akshamy.kz.
"Osy joba boıynsha 66 jer ýchaskesin alý qarastyrylýda, onyń 65-i búgingi kúni satyp alyndy.Jumys birtindep júrgizilýde. Jumystardy júrgizý kestesi boıynsha Rysqulov dańǵylynan Móke bı kóshesine deıin Saın kóshesin uzartýdy aıaqtaý jáne paıdalanýǵa berý 2024 jyldyń qyrkúıegine josparlanǵan", - dedi ol Almaty qalasy máslıhatynyń otyrysynda.
Sondaı – aq, Rysqulov dańǵylyn-Ońǵarsynova kóshesinen qala shekarasyna deıin uzartý josparlanýda. Onyń jalpy uzyndyǵy 2,3 km. Ernur Ábjahannyń aıtýynsha, bul joba boıynsha jumystar endi ǵana bastaldy.
"Jobada 274 jer ýchaskesin alý kózdelgen. Búgingi tańda 56 ýchaske boıynsha qaýlylar qabyldandy. Bul baǵytta jer qatynastary basqarmasynyń jumysy jalǵasýda. Nysandy aıaqtaý jáne iske qosý 2025 jylǵa josparlanǵan", - dep atap ótti QMB basshysynyń orynbasary.
Abaı kóshesin Momyshuly kóshesinen qala shekarasyna deıin uzartýǵa keletin bolsaq, josparlanǵan jumystardyń 5,3 km-ge, 4,7 km-ge jol jumystary júrgizildi, onyń bir bóligi paıdalanýǵa berildi. Uzyndyǵy 600 m bolatyn sońǵy berý kesheni qalady.
"Bul joba JSQ túzetý satysynda tur, qazir memlekettik saraptamadan ótýdemiz. 2024 jyldyń birinshi toqsanynda memlekettik saraptamanyń qorytyndysyn alýdy josparlap otyrmyz, odan keıin qurylys-montaj jumystary bastap,2024 jyldyń sońyna deıin paıdalanýǵa berý josparlanýda", - dep túsindirdi Ernur Ábjahan.
Ol Tilendıev kósheleri men Soltústik aınalma joldyń boıynda qazirgi ýaqytta JSQ ázirlenip jatqanyn, onyń aıaqtalýy 2024 jyldyń sońyna josparlanǵanyn aıtty.
"Almaty qalasyn damytýdyń 2025 jylǵa deıingi baǵdarlamasy jáne 2030 jylǵa deıingi orta merzimdi perspektıvalar" boıynsha barlyq jumystardy 2027 jylǵa deıin aıaqtaý josparlanýda.