Tártipsizdik kezinde ol toptyń tepkisinde qalǵan
Qańtar aıynyń basynda Almatyda oryn alǵan jappaı tártipsizdik kezinde kóptegen polısıa qyzmetkerleri men áskerı qyzmetshilerdiń aýyr jaraqattar alyp, keıbiriniń qaza tapqany barshaǵa belgili. Dál sol kúnderi qoǵam qaýipsizdigi úshin qyzmet etýge shyqqandardyń biri – Ǵazız Nurǵalymov. Ol – Almaty qalasy Áýezov aýdandyq Polısıa basqarmasynyń ýchaskelik polısıa ınspektory, dep habarlaıdy Almaty-akshamy.kz.
İshki ister organdarynda 2014 jyldan beri jumys isteıdi. Tártipsizdik kezinde toptyń tepkisiniń astynda qalǵan polısıa aǵa leıtenanty búginde qalalyq aýrýhanalardyń birinde em alýda. Moıynan temirmen soqqy alǵan ınspektor Polisia.kz saıtyna bergen suhbatynda oqıǵanyń mán-jaıyn tolyqtaı baıandap berdi.
Bala kezden polıseı bolýdy armandaǵan Ǵazız árdaıym azamattardyń qaýipsizdigi úshin qyzmet etýge daıyn. «Aman-esen aýrýhanadan shyqsam, jumysymdy jalǵastyramyn», – deıdi ol.
Qańtar aıynyń basynda oryn alǵan memlekettik tóńkeristi boldyrmaý kezinde jalpy 3037 polısıa qyzmetkeri men Ulttyq ulannyń áskerı qyzmetshisi túrli jaraqat aldy. Qazirgi tańda 107 qyzmetker ártúrli aýyr jaraqattarymen em alýda.
Tártipsizdik saldarynan İshki ister organdarynyń 8 qyzmetkeri qaza boldy.