Kóne ǵımarat ǵalymdar úshin tyń jańalyq boldy
REN TV Abý-Dabı mańyndaǵy Gaga aralynda arheologtar BAÁ-degi eń kóne ǵımarattardyń qırandylaryna kýá boldy, dep habarlaıdy Almaty-akshamy.kz The National News-ke silteme jasap.
BAÁ-de tabylǵan eń kóne ǵımarat ǵalymdar úshin tyń jańalyq boldy. Buǵan deıin Abý-Dabı jaǵalaýynda ornalasqan Marava aralyndaǵy ǵımarat eń kóne bolyp sanalǵan. Onyń jasy jaqynda tabylǵan qırandylardan 500 jylǵa kishi. Sarapshylardyń paıymdaýynsha, bul baı eldiń alǵashqy qaýymdary tas ǵımarattarda ornalassa kerek.
Bul jerde bıiktigi bir metrge jetetin qarapaıym dóńgelek bólmeler boldy. Bólmelerde arheologtar júzdegen artefaktilerdi, sonyń ishinde sheber jasalǵan tas jebe ushtaryn tapty. Olar ań aýlaý úshin paıdalanylǵan. Mamandar bul eldi mekenniń qansha ýaqyt bolǵanyn jáne nelikten shamamen bes myń jyl buryn tastalǵanyn áli anyqtaǵan joq. Basylym sondaı-aq, buryn bul aımaqtaǵy eldi mekenderdiń katalızatory neolıt dáýirinde ǵana damyǵan teńiz saýda joldary boldy dep eseptelgenin atap ótedi. Degenmen sońǵy jańalyq adamdardyń munda áldeqaıda erterek ómir súre bastaǵanyn dáleldeıdi.
Bul arheologıalyq oljalar adamdardyń munda segiz jarym myń jyl buryn qonystanǵanyn jáne úıler salǵanyn kórsetti, – dep túsindirdi Abý-Dabı mádenıet jáne týrızm departamentiniń tóraǵasy Muhamed Ál-Mýbarak.
Onyń paıymynsha, tabylǵan ǵımaratta myńdaǵan jyldar boıy progreske qol jetkizgisi kelgen damyǵan qoǵamnyń kórinisi bar.