Buǵan kóshbasshy IT alyptary alańdaýshylyq bildirdi
ClearView AI mundaı shara búkil álemdegi quqyq qorǵaý jáne memlekettik organdardyń qadaǵalaý júıesin qurýǵa kómektesedi dep sanaıdy. Bul bastamaǵa IT-ındýstrıa alyptary narazylyq tanytyp, syn aıtty, dep habarlaıdy Almaty-akshamy.kz Zakon.kz-ke silteme jasap.
ClearView AI bet-álpetti taný kompanıasy ınvestorlarǵa óz derekter bazasynda bir jyl ishinde 100 mıllıard adamnyń fotosýreti bolatynyn aıtty. Al bul kólem "álemdegi barlyq derlik adamdardy ıdentıfıkasıalaýǵa" jetkilikti bolady, dep habarlaıdy The Washington Post.
Qarabaıyr sanaq boıynsha Jerdiń ár turǵynyna 14 fotosýretten keledi. ClearView AI mundaı shara búkil álemdegi quqyq qorǵaý jáne memlekettik organdardyń qadaǵalaý júıesin qurýǵa kómektesedi dep sanaıdy.
Clearview AI úshin fotosýretterdiń negizgi kózi - áleýmettik jeliler men adamdardyń ózi sýretterin ornalastyratyn ártúrli veb-saıttar. Sýretter adamdardyń kelisiminsiz jınalatyny aıtylady.
Buǵan kóshbasshy IT alyptary alańdaýshylyq bildirdi. Facebook, Google, Twitter jáne YouTube, ruqsatsyz derek jınaýdy dereý toqtatyp, derekqordan foto-kontentti joıýdy talap etti. Buǵan jaýap retinde Clearview AI ózderiniń bul áreketi zańdy ekenin aıtyp, AQSH-tyń Konstıtýsıasynyń Birinshi ózgerisinde qabyldanǵan normany alǵa tartty.
Kalıfornıa, Illınoıs, Nú-Iork, Vermont jáne Vırdjınıada atalǵan kompanıa atyna túsken shaǵymdar kóbeıgen. Nú-Djersıdiń Bas prokýrory polısıaǵa ClearView AI tehnologıasyn paıdalanbaýdy buıyrdy.
Shvesıa bıligi ótken jyly osy tehnologıany qoldanǵany úshin jergilikti polısıa basqarmasyna aıyppul saldy.
Sondaı-aq, kompanıa atyna Kanada, Shvesıa jáne Ulybrıtanıanyń federaldy sottarynda ujymdyq, sondaı-aq Fransıa, Gresıa, Italıa jáne Ulybrıtanıa qoǵam ókilderi tarapynan shaǵym qarsha borap jatyr.
Avstralıa men Fransıa úkimetteri ClearView-ke bazadan óz azamattarynyń derekterin alyp tastaýdy buıyrdy, al Avstralıa kompanıa adamdardyń bet-álpetin paıdalana otyryp, ony maqsatty túrde jasyryn monetızasıaǵa aınaldyrǵan dep málimdedi.
Kompanıa qyzmeti bastalǵannan beri óz klıentteriniń tizimin keńeıtti, onyń ishinde quqyq qorǵaý organdary, Ulttyq qaýipsizdik mınıstrligi, FBR jáne AQSH áskeri de bar.