Endi mobıldi aýdarymdar úshin de salyq tóleýge týra keledi
Senat osyndaı zań jobasyn qabyldady. Eger Prezıdent osy qujatqa qol qoısa, kásipkerler mobıldi aýdarymdar úshin jeke shot ashýǵa mindetti bolady, dep habarlaıdy Almaty-akshamy.kz 24kz-ke silteme jasap.
Jańa zańǵa «mobıldi tólemder» túsinigi engizilgen. Endi klıentter alǵan taýarlarynyń aqysyn, kásipkerler ashqan álgi shotttarǵa jiberedi. Bankter de salyq organdaryna qajet aqparat berýge mindetti bolady. Zań jobasyn ázirlegender pandemıa kezinde otandastarymyzdyń deni mobıldi aýdarymdar arqyly esep aıyrysyp keldi deıdi. Odan túsken tabystan kásipkerler salyq tólemegen. Al bul kóleńkeli tabys bolyp esepteledi. Sondyqtan depýtattar muny zańdastyrý qajet degen bastama kótergen.
«Máselen, bir adamǵa birneshe adamnan turaqty túrde aqsha aýdarymdary jasalyp tursa jáne ol bir aptaǵa, tipti bir aıǵa deıin sozylatyn bolsa, birden salyq ograndary qyzmetkerleriniń nazaryna túsedi. Ondaı kezde mamandar álgi adamnyń nemen aınalysatynyn jiti tekseredi. Tipti bankterden qajet aqparat alady», - dedi QR Qarjy mınıstriniń orynbasary Marat Sultanǵazıev.