Qar jaýyp, burqasyn, kóktaıǵaq bolady.
Qazaqstannyń 13 óńirinde eskertý jarıalandy, dep habarlaıdy Almaty-akshamy.kz
25 qarashada Nur-Sultan jáne Shymkent qalalarynda jel ekpini sekýndyna 15-20, 23 metr bolady dep boljanǵan.
Aqmola oblysynyń ońtústik-shyǵysynda burqasyn, kóktaıǵaq kútiledi. Ońtústik-batystan soǵatyn jel soltústikke, soltústik-batysqa aýysady, kúndiz oblystyń shyǵysynda ekpini 15-20 m/s kútiledi.
Aqtóbe oblysynyń ońtústiginde kóktaıǵaq bolady.
Shyǵys Qazaqstan oblysynyń soltústik bóliginde kúndiz jaýyn-shashyn (jańbyr, qar) jaýady. Oblystyń soltústik bóliginde jaıaý burqasyn júredi. Joldarda kóktaıǵaq kútiledi. Jel ońtústikten, ońtústik-batystan soǵady, oblystyń soltústiginde, batysynda 15-20, ekpini 25 m/s.
Jambyl oblysynyń soltústik-shyǵysynda jáne taýly, taý bókterli aýdandarynda qatty jaýyn-shashyn (jańbyrdyń sońy qarǵa ulasady) kútiledi. 26-27 qarashada oblystyń soltústiginde jáne taýly, taý bókterli aýdandarynda tuman, kóktaıǵaq bolady. Ońtústik-batystan soǵatyn jel soltústik-shyǵys jeline aýysady. Oblystyń ońtústik-batysynda, soltústik-shyǵysynda jáne taýly aýdandarynda 15-20 m/s, kúndiz 25 qarashada, táýlik boıy 26-27 qarashada ekpini 23-28 m/s jel soǵady degen boljam bar.
Batys Qazaqstan oblysynda jel soltústikten ońtústik-batysqa aýysyp soǵady, oblystyń soltústiginde, ońtústik-shyǵysynda ekpini 15-20 m/s bolady.
Qaraǵandy oblysynyń batysynda, soltústiginde, shyǵysynda jaıaý burqasyn, kóktaıǵaq, oblystyń ońtústiginde tuman kútiledi. Ońtústik-batystan soqqan jel soltústikke aýysady, oblystyń shyǵysynda, ortalyǵynda 15-20, ekpini 23 m/s kútiledi.
Qostanaı oblysynyń ońtústiginde, shyǵysynda tuman, kóktaıǵaq kútiledi.
Qyzylorda oblysynyń soltústiginde kóktaıǵaq kútiledi. Jel soltústik-batystan ońtústik-batysqa aýysyp soǵady, kúshi oblystyń soltústiginde jáne ortalyǵynda 15-20 m/s kútiledi.
Mańǵystaý oblysynyń soltústiginde, soltústik-shyǵysynda kóktaıǵaq, tuman kútiledi. Soltústik-batystan, soltústikten jel soǵady, oblystyń batysynda soqqan jeldiń ekpini 15-20 m/s.
Pavlodar oblysynyń soltústiginde, shyǵysynda kóktaıǵaq, jaıaý burqasyn kútiledi. Ońtústikten soqqan jel soltústik-batysqa aýysady, oblystyń ońtústiginde, shyǵysynda ekpini 15-20 m/s.
Túrkistan oblysynyń soltústiginde, batysynda shańdy daýyl bolady. Túnde taýly aýdandarda ońtústik-batystan soqqan jeldiń ekpini sekýndyna 15-20 metr, kúndiz 15-20, taýly aýdandarda jeldiń ekpini sekýndyna 23-28 metrge jetedi.
«Jaýyn-shashynnyń túsýine jáne qatqaq bolýyna baılanysty kóktaıǵaq bolady. Sonyń saldarynan jol-kólik oqıǵalary, sondaı-aq jaıaý júrginshilerdiń kóshe jaraqattary: soǵylý, shyǵyp ketý jáne syný qaterleri ulǵaıady. Kóktaıǵaq kezinde azamattarǵa taıǵanamaıtyn tabany bar aıaqkıim kıý usynylady. Abaı bolyńyzdar!», - delingen habarlamada.