Salyq qyzmetiniń nazaryna túspeý úshin qazaqstandyqtar 2024 jylǵy 1 qańtardan bastap qansha mobıldi aýdarym jasap, qabyldaı alatynyn Óńirlik komýnıkasıalar qyzmetinde ótken brıfıńte Almatynyń Memlekettik kirister departamentiniń ókilderi habarlady.
Kásipkerlik qyzmetti júzege asyrý belgilerin aıqyndaý úshin jeke tulǵanyń qatarynan úsh aıdyń árqaısysy ishinde 100 jáne odan da kóp ret ártúrli tulǵalardan jeke banktik shotqa aqsha qarajatyn alýy krıterııi jetkilikti, dep habarlaıdy Almaty-akshamy.kz.
Almatyda jalpyǵa birdeı deklarasıalaýdyń birinshi kezeńiniń qorytyndysy boıynsha deklarasıa tapsyrǵandar sany 46 myńnan astam jeke tulǵany quraıdy. Ekinshi kezeń 2023 jyly bastalyp, oǵan memlekettik qyzmetkerler men olardyń jubaılary, kvazımemlekettik sektor qyzmetkerleri men olardyń jubaılary, 142 myńnan astam adam tapsyrdy.
«2024 jyldyń 1 qańtarynan bastap jalpy deklarasıalaýdyń 3-kezeńi bastalady, ıaǵnı bıznes ókilderi men olardyń jubaılary, zańdy tulǵalardyń basshylary, quryltaıshylary (qatysýshylary), jeke kásipkerler jáne olardyń jubaılary deklarasıa tapsyrýǵa mindetti bolady. Bul mindetteme «áreketsiz» nemese qyzmetin ýaqytsha toqtatyp qoıǵan jeke tulǵalarǵada qatysty bolady. Almaty qalasy boıynsha 3-kezeńde 430 myńnan astam jeke tulǵa deklarasıalaný qajet», - dedi Almaty qalasy boıynsha Memlekettik kirister departamenti túsindirý jumysy jáne baılanys ortalyǵy basqarmasynyń basshysy Aıjan Bekeeva.
Osyǵan baılanysty 2023 jyly 2022 jyldyń qorytyndysy boıynsha Memlekettik kirister komıtetine úsh aı qatarynan jeke banktik shottaryna ár túrli 100 tulǵadan túsken aýdarymdar týraly aqparat kelip tústi. Bankter tek belgilengen krıterıılerge sáıkes keletin tulǵalardyń derekterin beredi.
Qazirgi ýaqytta aqparat tek memlekettik qyzmetkerler men olardyń jubaılary úshin 2022 jylǵa qol jetimdi.
Bankterden aqparat belgilengen krıterııler boıynsha ǵana kezeń kezeńimen beriledi:
1) 2023 jyldan bastap – 2022 jyldyń qorytyndysy boıynsha memlekettik qyzmetshiler, olarǵa teńestirilgen adamdar jáne olardyń jubaılary boıynsha;
2) 2024 jyldan bastap – memlekettik mekemelerdiń, kvazımemlekettik sektor sýbektileriniń qyzmetkerleri jáne olardyń jubaılary boıynsha 2023 jyldyń qorytyndysy boıynsha;
3) 2025 jyldan bastap – jeke kásipkerler, zańdy tulǵalardyń basshylary jáne olardyń jubaılary boıynsha 2024 jyldyń qorytyndysy boıynsha;
4) 2026 jyldan bastap – 2025 jyldyń qorytyndysy boıynsha halyqtyń qalǵan sanattary boıynsha.
«Bul jerde jeke tulǵalar ózderiniń jeke maqsattary úshin mobıldi aýdarymdardy jasaı jáne qabyldaı alatynyn atap ótý mańyzdy: bul týystaryna, dostaryna aýdarymdar, ata-analar men balalarǵa kómek jáne basqa da ómirge qajetti jaǵdaılar. Bul rette mundaı aýdarymdardy deklarasıalaýdyń qajeti joq, óıtkeni mundaı aýdarymdar bir jolǵy bolyp sanalady», - dep qosty Aıjan Bekeeva.
Spıker bul sharalar jasyryn kirister men tirkelmegen kásipkerlerdi, ásirese jeke shottarǵa mobıldi aýdarymdar arqyly tólem alatyndardy anyqtaýǵa baǵyttalǵanyn aıtty.
Memlekettik organnyń ókilderi kásipkerlerge arnaıy bıznes-shottarǵa tólem qabyldaýdy usynady.
«Baqylaý sharalary qyzmetti tirkeý jáne kiristi tómendetý boıynsha kameraldyq baqylaýdy qamtıdy. Jalpy, kameraldyq baqylaý salyq tóleýshilerge buzýshylyqtardy óz betinshe joıýǵa múmkindik berýge baǵyttalǵan. Osyǵan baılanysty anyqtalǵan buzýshylyqtar týraly aqparaty bar habarlamalar jiberiletin bolady. Eger salyq tóleýshi buzýshylyqtarmen kelisse, ol jeke kásipkerdi tirkeýi nemese deklarasıaǵa deklarasıalanbaǵan kiris somalaryn (buzýshylyq túrine baılanysty) kórsete otyryp qosymsha deklarasıa tapsyrýy qajet», - dep atap ótti A.Bekeeva.
Bul rette, eger salyq tóleýshi buzýshylyqtarmen kelispese, onda ol rastaıtyn qujattardy qosa bere otyryp, buzýshylyqtardyń joqtyǵy týraly túsinikteme berýge quqyly.
Habarlamany oryndamaǵan kezde salyqtyq tekserý taǵaıyndalady, onyń barysynda bankterden shot boıynsha tolyq aqparat suratylady jáne buzýshylyqtardyń bolýy/bolmaýy týraly is júzinde sheshim shyǵarylady.
Jaýapkershilik týraly aıta kele, spıker tirkelmegen JQ qyzmeti úshin 15-ten 100 AEK-ke deıingi aıyppul túrinde ákimshilik jaza qarastyrylǵanyn atap ótti. Kiristerdi jasyrǵany úshin – tólenbegen salyqtar somasynyń 200% mólsherinde aıyppul (qaıta buzylǵan jaǵdaıda-300%). Chek bermegeni úshin-15-ten 50 AEK-ke deıin.
Memlekettik kirister departamenti baqylaý sharalary adal salyq tóleýshilerge áser etpeıtinine sendirdi. Baqylaý sharalary qyzmetti tirkeýsiz júzege asyratyn nemese kiristerdi jasyratyn kásipkerlerge ǵana áser etedi.