Qańtardan bastap AEK mólsheri ózgerdi. Qazir ol 3450 teńgeniń ornyna 3692 teńgeni quraıdy. Osyǵan baılanysty áleýmettik tólemder men aıyppuldardyń mólsheri ulǵaıdy.
Osy jylǵa arnalǵan tólemder týraly aqparatty Almaty qalasynyń Óńirlik komýnıkasıalar qyzmetinde ótken brıfıńte Almaty qalasynyń Azamattarǵa arnalǵan úkimet fılıalynyń elektrondyq is maketterin baqylaý jáne zańdy jáne jeke tulǵalarmen jumys jónindegi basqarmasynyń basshysy Náılá Muhametqalıeva tanystyrdy, dep habarlaıdy Almaty-akshamy.kz.
Onyń sózinshe, 2024 jyldyń 1 qańtarynan bastap Qazaqstanda eń tómengi jalaqy mólsheri 85 myń teńgeni qurap otyr.
Sonymen birge, ol 2024 jyly ózgertilgen kórsetkishter boıynsha jańa málimetter keltirdi:
Aılyq eseptik kórsetkish (AEK) – 3 692 teńge mólsherinde;
Eń tómengi zeınetaqy – 57 853 teńge;
Kúnkóris deńgeıi (JM) - 43 407 teńge;
Bazalyq zeınetaqy tóleminiń eń tómengi mólsheri – 28 215 teńge.
Múgedektigi bar azamattar úshin de tólenetin járdemaqy mólsheri de ósti. Múgedektiktiń birinshi toby úshin-95486 teńgege deıin, II top úshin - 76397 teńge, III top úshin-52089 teńge.
7 jasqa deıingi múgedektigi bar balalarǵa tólenetin tólem mólsheri 69886 teńgeni quraıdy. 7 jastan 18 jasqa deıingi, bala kezinen I toptaǵy múgedektigi bar balalar úshin - 95496 teńge, II toptaǵy múgedektik - 79435 teńge, III topta - 69886 teńge.
«Qazaqstanda zıandy eńbek jaǵdaılarynda jumys isteıtinder úshin arnaıy tólemder engizildi», - dedi ol.
Arnaýly áleýmettik tólemder tórt kózden júzege asyrylady: respýblıkalyq búdjetten eń tómengi kúnkóris deńgeıiniń 2 eselengen mólsherinde; Úkimettiń qaýlysymen bekitilgen tártippen BJZQ-dan qolda bar Zeınetaqy jınaqtaryn eskere otyryp; ómirdi saqtandyrý kompanıalarynan 1 kúnkóris deńgeıi mólsherinde; jumys berýshilerdiń qarajaty esebinen 1 kúnkóris deńgeıi mólsherinde. Budan basqa, qyzmetkerlerge qolda bar Zeınetaqy jınaqtaryn eskere otyryp, mindetti zeınetaqy jarnalary esebinen JZQ-dan tólemder alý quqyǵy beriledi.
Spıker AEK kóptegen áleýmettik tólem túrlerin esepteýde qoldanylatynyn atap, túsindirip ótti:
mindetti zeınetaqymen qamsyzdandyrý jáne mindetti medısınalyq saqtandyrý jarnalary;
bala týylǵan kezdegi birjolǵy tólemder;
jumyssyzdyq boıynsha aı saıynǵy járdemaqy mólsheri;
eńbekke ýaqytsha jaramsyzdyq boıynsha aı saıynǵy járdemaqy mólsheri;
1,5 jasqa tolǵanǵa deıin bala kútimi boıynsha aı saıynǵy járdemaqy mólsheri;
18 jasqa deıingi balalarǵa aı saıynǵy járdemaqy mólsheri.
Sondaı aq birqatar memlekettik qyzmetterdegi memlekettik bajdardyń somasy ózgerdi:
-jeke kýálik (0,2 AEK) - 738 teńge.
- sheteldik tólqujat - 36 bet (8 AEK) – 29 536 teńge.
- 48 bet (12 AEK) – 44 304 teńge.
- balalar pasporty - 24 bet (4 AEK) – 14 768 teńge.
- júrgizýshi kýáligi (1,25 AEK) – 4 615 teńge.
- týý týraly kýálik tegin, qaıta berý (0,5 AEK) – 1 846 teńge.
- neke qıý týraly kýálik (1 AEK) – 3 695 teńge, qaıta berý (0,5 AEK) – 1846 teńge.
- ajyrasýǵa ótinish berý (2 AEK) – 7384 teńge.
ÓKQ spıkeri fılıal Memlekettik qyzmetterdi alýdyń yńǵaılylyǵy men qoljetimdiligi úshin Almaty qalasy boıynsha fılıaldyq jelini keńeıtý boıynsha jumys júrgizip jatqanyn aıtty:
Almaty qalasynyń 8 avtosalonynda Kólik quraldaryn tirkeý boıynsha qujattardy qabyldaý uıymdastyryldy.
Tımırázev kóshesi, 28 a mekenjaıyndaǵy «BI Group» JSHS berý sharttaryn tirkeý boıynsha aqyly qyzmetter kórsetý úshin 1 jumys orny uıymdastyryldy.
Daıyn qujattardy berý boıynsha Alataý, Áýezov jáne Medeý aýdandyq front ofısterinde postamattar ornatylyp - 24/7 rejıminde táýlik boıy jumys isteıtin daıyn qujattardy berý aımaǵy uıymdastyryldy.
Ekinshi deńgeıdegi bankterdiń qosymshalary arqyly rásimdelgen júrgizýshi kýálikteri men kólik quraldary boıynsha Jandosov, 51 mekenjaıy boıynsha daıyn qujattardy berý sektory ashyldy.
«Ulttyq qor balalarǵa» baǵdarlamasy aıasynda Soltústik aınalymdaǵy Aqbulaq bazarynda balalar týraly málimetterdiń bar-joǵyn tekserý úshin «elektrondyq úkimet» veb-portalynyń «balalar týraly málimetter» bóliminde 1 jumys orny uıymdastyryldy, derekter bolmaǵan jaǵdaıda, elektrondyq úkimettiń sol portalynda AHAJ RP derekterin ózektendirý qyzmetin alýǵa bolady.
Jańartylǵan HQKO sany da kóbeıýde.