Ulttyq banktiń statısıkalyq derekterine sáıkes, qańtar aıynda elimizde mobıldi aýdarymdar arqyly jasalatyn tólem kólemi shamamen 30 paıyzǵa qysqardy, dep habarlaıdy Almaty-akshamy.kz
Bul týraly atalǵan bank tóraǵasy Tımýr Súleımenov aıtty, dep habarlaıdy Almaty-akshamy.kz.
«Biz tipti keıbir núktede qolma qol valútany qosymsha nyǵaıtýymyzǵa týra keldi. Óıtkeni, bastapqyda adamdar qolma qol aqshaǵa júgirdi. Memlekettik kirister komıteti tarapynan túsindirýler, keńester berilgennen keıin jaǵdaı tynyshtaldy jáne aldaǵy ýaqytta da tynyshtala beredi. Óıtkeni, munda turǵan qorqynyshty eshteńe joq. Qolma qol aqshasyz tólem deńgeıi qalpyna keledi dep úmittenemiz», - dedi ol elordada ótken brıfıńte BAQ ókilderiniń saýalyna oraı.
Aıta keteıik, osy jyldyń basynan bastap ártúrli tulǵalardan úsh aı qatarynan aı saıyn 100 nemese odan da kóp mobıldi aýdarymdar alǵan tulǵalardy ǵana, ıaǵnı, kásipkerlik qyzmettiń belgileri baıqalǵan jaǵdaıda tekserý júrgizile bastady.