Almaty oblysy, Zarechnyı aýylynda ornalasqan №12 mekemesinde QAJ qyzmetkerlerine arnalǵan “Túzeý mekemeleriniń mamandaryna aqparattyq-túsindirý” taqyrybynda semınar ótti.
Oǵan túzeý mekemeleriniń tárbıe isi jónindegi qyzmetkerleri men jaýapty teolog mamandar qatysty, dep habarlaıdy Almaty-akshamy.kz Polisia.kz-ke silteme jasap.
Semınardyń maqsaty – QAJ mekemelerindegi arnaıy kontıngentpen tikeleı jumys jasaıtyn mamandardyń din salasynda jat aǵym ustanýshylardyń belgileri, olardyń túrleri men ıdeologıalary týraly biliktilikterin arttyrý.
Semınardy júrgizgen “Dinı ekstremızm qurbandary men destrýktıvti aǵym ustanýshylardy ońaltý ortalyǵy” dırektorynyń birinshi orynbasary men biliktiligi joǵary teolog mamandar QAJ qyzmetkerleri tarapynan qoıylǵan suraqtarǵa jan-jaqty jaýap berdi. Mańyzdy basqosýda bilikti teologtar dinı toptardyń negizgi jáne erekshe sıpattary, dástúrli emes dindi ustanýshylardyń kózqarastary men minez-qulqyna tán erekshelikteri jaıly baıandama jasap, talqylanǵan taqyryp jaıly keńinen túsinik berdi. Semınar sońynda Almaty oblysynyń Din isteri basqarmasynyń tapsyrysymen arnaıy shyǵarylǵan ádistemelik quraldar men dıskige jazylǵan beınematerıaldar taratyldy.