Býllıng balabaqshadan bastalady.
Almatydaǵy balabaqshada kishkentaı balany óz qatarlastary uryp, teýip tastaǵan. Balalardy qaraýsyz qaldyrǵan balabaqsha tárbıeshisine qatań sógis jarıalandy, dep habarlaıdy Almaty-akshamy.kz ZTB pablıgine silteme jasap.
Bul máselege baılanysty zardap shekken balanyń ata-anasy óz shaǵymyn áleýmettik jelige jarıalady. Oqıǵa 21 aqpan kúni Almatydaǵy №51 balabaqshada bolǵan. Kameraǵa balalardyń óz qurdasyn aıaýsyz uryp-soqqan sáti túsip qalǵan.
Olar mundaı oqıǵa buryn osy balabaqshada bolǵanyn atap ótti. Almaty qalasynyń bilim basqarmasy atalǵan jaǵdaıǵa baılanysty túsinikteme berdi.
«№51 bóbekjaı-balabaqshasynyń tárbıeshi oqys oqıǵa kezinde balalarǵa túski as alyp jatqanyn, basqa bólmede bolǵanyn aıtty. Sondyqtan balalardyń is-áreketin baqylaı almady. Balabaqsha ákimshiliginiń buıryǵymen tártip buzýshylyqtar úshin tárbıeshige qatań sógis túrinde tártiptik jaza qoldanyldy. Baqylaý jasamaǵany úshin balabaqsha meńgerýshisi de tártiptik jazaǵa tartyldy», - delingen Almaty qalasy bilim basqarmasynyń habarlamasynda.