Keńestiń kezekti otyrysynda qalalyq mádenıet basqarmasynyń 9 aıda atqarǵan jumysy týraly esebi tyńdaldy, dep habarlaıdy Almaty-akshamy.kz
«Almaty 2050» Strategıasy aıasynda mádenıet salasynda qala turǵyndaryn qalanyń mádenı ómirine tartý, tarıh jáne mádenıet eskertkishterin kútip-ustaý jáne qalpyna keltirý jumystary týraly Almaty qalasy mádenıet basqarmasy basshysynyń orynbasary Danıar Álıev baıandap berdi.
Jyl saıyn qalada «Oren-air» formatynda 160-qa (53 respýblıkalyq, 55 qalalyq, 6 vedimistik jáne 52 jeke menshik uıymdar) jýyq mádenı nysandar men uıymdar jumyldyryla otyryp, 100-ge jýyq iri ımıjdik mádenı-buqaralyq is-sharalar ótkizdi.
Danıar Álıevtiń baıandaýynsha, Nur Otan partıasynyń saılaýaldy baǵdarlamasynyń mádenıet salasy boıynsha Jol kartasynyń 10 tarmaǵy «Kitaphanalardy shyǵarmashylyq damý ortalyqtaryna aınaldyrý arqyly tegin shyǵarmashylyq úıirmeler men kovorkıng-ortalyqtar sanyn arttyrý» aıasynda qalalyq kitaphanalardy jańǵyrtý boıynsha aýqymdy jumystar júrgizilýde. Ótken jyly qalanyń 10 kitaphanasy jańǵyrtylyp, búginge kelýshilerdiń sany 1 260 000 adamdy qurady. Jańǵyrtýǵa deıingi shyǵarmashylyq úıirmelerdiń jalpy sany 40 bolsa, jańǵyrtýdan keıin 91 úıirmege jetti. Jalpy ósim 127,5 paıyzǵa artqandyǵyn atap ótti.
El Táýelsizdiginiń 30 jyldyǵy aıasynda qalalyq is-sharalar josparynyń negizinde 18 is-shara qarastyrylǵan. Búginde jospar boıynsha birqatar ǵylymı-praktıkalyq konferensıalar men dóńgelek ústelder, festıváldar, kórmeler, konsertter, kezdesýler, baıqaýlar jáne t.b. ótkizilýde.
Sondaı-aq tarıhı-mádenı murany saqtaý jáne nasıhattaý bastamasy aıasynda memlekettik tizimdegi 162 tarıh jáne mádenıet eskertkishterin pasporttaý jáne qala aýmaǵynda ornalasqan saq dáýirine jatatyn arheologıalyq eskertkishterge ǵylymı-zertteý jumystary júrgizilýde.
Osy oraıda keńes músheleri basqarma ókiline qaladaǵy tarıhı ǵımarattardyń kelbetine nazar aýdaryp, eki úlken tarıhı ǵımaratta (Qazaqstan-Brıtan tehnıkalyq ýnıversıteti men Túrkıa Respýblıkasynyń Bas konsýldyǵy) – tarıhı-mádenı eskertkish retinde qazaq zıalylarynyń murajaıyn ashý týraly usynys aıtty.