Normatıvtik qujat kúshine enedi
Qurylys salasyndaǵy baǵynyń ósýin boldyrmaý maqsatynda Qurylys jáne turǵyn-úı komýnaldyq sharýashylyq isteri komıteti birqatar sharalar qabyldamaq, dep habarlaıdy Almaty-akshamy.kz Indýstrıa jáne ınfraqurylymdyq damý mınıstrligine silteme jasap.
«Osy aıdyń sońynda «Qurylysqa arnalǵan jobalaý-smetalyq qujattamany ázirleý, kelisý, bekitý tártibi» týraly normatıvtik qujat kúshine enedi. Osynyń negizinde qurylysty jobalaý-smetalyq qujattarynyń ishinen praıs-paraqtar alynyp tastalady. Bul - qurylys materıaldarynyń smetada kórsetilgen baǵasynan qymbat bolyp ketpeýi úshin jasalyp otyr. Sondaı-aq, mınıstrlik «Qurylys úshin qun ındeksteri» normatıvtik qujatyn ázirledi. Onda qurylys salasyndaǵy baǵanyń ósýi men ınflásıa deńgeıi eskeriledi», - dep málim etti mınıstrliktiń baspasóz qyzmetinen.
Vedomstva aqparatyna qaraǵanda, búginde densaýlyq saqtaý jáne bilim berý obektileriniń qurylysynda baǵany baqylap otyrýǵa múmkindik beretin shekti mólsherleme bekitilgen. Al atalǵan normatıvtik qujattar kúshine engesin, bul baǵyttaǵy qun ındeksi men kórsetkishter qaıta qaralmaq.