Júıe búkil oblysty qamtıtyn bolady
Túrkistan oblysynda halyqqa qyzmet kórsetý sapasyn arttyrý maqsatynda «109» biryńǵaı jelisi iske qosyldy, dep habarlaıdy Almaty-akshamy.kz BAQ.KZ-ke silteme jasap.
Endi jaryq, jylý, sý, gaz, jalpy turǵyn-úı komýnaldyq júıesindegi aqaý men apattyq jaǵdaılarda mekeme aralap, áýre sarsańǵa túsýdiń qajeti joq. Baılanys ortalyǵyna uıaly jáne qalalyq telefonnan qońyraý shalýǵa bolady.
Atap óterligi, «109» qyzmeti buryn tek Túrkistan men Kentaý qalalarynda bolǵan. Endi bul júıe búkil oblysty qamtıtyn bolady. Búginde oblys kólemi boıynsha 3 628-den astam ótinish qabyldanyp, onyń 90%-dan kóbi sheshimin tapqan.
Joba oblys jáne qala ákimdiginiń qoldaýymen «Sıfrly Qazaqstan» baǵdarlamasy sheńberinde iske asýda. 109 - baılanys ortalyǵynyń İnstagram (@turk.obl_109), whatsapp (87011313109), facebook (baılanys ortalyq) paraqshalary jáne «aikey-109» qosymshasy arqyly ótinimderdi qabyldaýǵa daıyn.