Qazaqstandyqtardyń barlyq analızderi egov-tyń ishinde bolady
Densaýlyq saqtaý júıesin sıfrlandyrýda aqaýlar bar. Biraq jalpy aqparattyq júıler jaman emes. Elordadaǵy medısınalyq mekemelerdi aralaǵan Sıfrlyq damý mınıstri Baǵdat Mýsın osylaı dedi, dep habarlaıdy Almaty-akshamy.kz 24.kz-ke silteme jasap.
Platformalardyń jumysyn teksergen mınıstr birqatar kemshilikterdi baıqap, júıeni jetildirý kerektigine toqtaldy. Baǵdat Mýsın aqparattyq júıeler arasynda ıntegrasıa júrgizý kerek deıdi. Jalpy Densaýlyq saqtaý mınıstrligine baǵynysty mekemelerdiń ishinde 47 aqpararttyq júıe bar. Ol memlekettik aqparattyq júıeler. Sıfrlyq damý mınıstrligi sonyń ishinde kerek kerek emesin iriktep, ekeýin ǵana qaldyrmaq. Mýsınnyń aıtýynsha, buǵan 1,5 jyldaı ýaqyt ketedi. Sondaı-aq, aldaǵy ýaqytta qazaqstandyqtardyń barlyq analızderi egov-tyń ishinde bolady.
«Egov densaýlyq degen bolady. Sol egov densaýlyq degenniń ishinde barlyq adamnyń tapsyrylǵan analızderi sonyń ishinde bolady. Bul birinshi. Ekinshisi reseptteri bolady. Qandaı dári jazdy dáriger sony túgel egov densaýlyq degen modýl bolady egov mobaıldyń ishinde barlyq medısınalyq júıemen qarym qatynas sonyń ishine jazylyp turady», - dedi QR Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın.