Mınıstr mektepterdi jaıly, qaýipsiz ári qazirgi zamanǵa saı qamtamasyz etý máselesin kóterdi.
Úkimet otyrysynda Oqý-aǵartý mınıstri Asqat Aımaǵambetov 2021 jyly 200 mekteptiń ornyna 277 mektep salynǵanyn da atap ótti, dep habarlaıdy Almaty-akshamy.kz BAQ.kz-ke silteme jasap.
«Sońǵy kezde eskirgen, der kezinde kúrdeli jóndeýden ótpegen mektepterdiń apattyq jaǵdaıy qaýip týdyrýy tirkelip jatyr. Aıtylǵan oqıǵalar sabaqtan tys ýaqytta bolǵanyna baılanysty ǵana oqýshylardyń ómirine qaýip tóngen joq. Osyǵan oraı barlyq ákimdikterden salynǵanyna 50 jyldan astam mektepterge tıisti tehnıkalyq aýdıt júrgizýin suraımyn», - dedi ol.
Aımaǵambetov ataǵandaı, bilim sapasyna qazirgi zamanǵy kabınetterdiń qamtamasyz etilýi mańyzdy ról atqarady.
«2021 jyly jospar boıynsha 949 mektepke 1825 pán kabıneti satyp alynyp, jospar oryndaldy. Bıyl fızıka, hımıa, bıologıa, sten pándik kabınettermen mektepterdiń 70 paıyzy qamtylady. Osy jumys júrgizilip jatyr. Biraq bizdegi aqparatqa sáıkes, Ulytaý, Jambyl oblystary tıisti qarajatty áli tolyǵymen sheshpegen. Sondyqtan ákimdikterdi osy táýekeldiń boldyrmaýyn suraımyn. Jyldyń sońyna deıin ýaqyt bar. Osy jumysty baqylaýlaryńyzǵa alýǵa ótinish bildiremin», - dedi Asqat Aımaǵambetov.
Mınıstr mektepterdi jaıly, qaýipsiz ári qazirgi zamanǵa saı qamtamasyz etý maqsatynda 2021 jyly 200 mekteptiń ornyna 277 mektep salynǵanyn aıtty.
Buǵan jeke sektordyń qatysýy sebep boldy. Kestede kórsetilgen 10 óńir 42 jańa mektepti salý boıynsha jospardy tolyq oryndamady. Biz jeke menshik mektepterdiń úlesin arttyryp jatyrmyz, - dedi ol.