Bul týraly búgin Úkimet otyrysynda QR Premer-Mınıstri Álıhan Smaıylov aıtty.
Joba aıasynda 840 myń oryndy qamtıtyn mektep salý josparlanyp otyr, dep habarlaıdy Almaty-akshamy.kz QazAqparatqa silteme jasap.
«Bizdiń basty mindetimiz – balabaqshadan bastap, bilim berýdiń barlyq deńgeılerinde halyqtyń sapaly bilimge qol jetkizýin qamtamasyz etý. Bul baǵytta aýqymdy jumystar júrgizilýde. 2021-shi jyldan beri 674 balabaqsha ashyldy. 326 jańa mektep paıdalanýǵa berildi. Sondaı-aq, 1436 mektep jańǵyrtyldy. Memleket basshysynyń tapsyrmasy boıynsha «Jaıly mektep» pılottyq ulttyq jobasy ázirlenip jatyr. Osy joba aıasynda 2025 jylǵa deıin jańa qurylys standarttary boıynsha 840 myń oryn beretin mektep salý kózdelgen», - dedi Úkimet basshysy.
Onyń dereginshe, jastardy kásiptik-tehnıkalyq bilimmen qamtý úshin búdjetten memlekettik tapsyrys boıynsha qosymsha 45 myń oryn bólindi. Eńbek naryǵynyń suranysyna saı kadr daıarlaý úshin 500-ge jýyq kásiporyn kolejderdi qamqorlyqqa aldy.
«Jetekshi sheteldik joǵary oqý oryndarynyń 4 fılıaly ashyldy. Inovasıalyq baǵyttar boıynsha shetelderden 400 oqytýshy tartyldy. Jalpy, bilim berý sapasyn jaqsartý boıynsha júıeli sharalar iske asyrylyp keledi», - dedi Álıhan Smaıylov.