Birikken Arab Ámirlikterinde, basqa da ıslam elderi sekildi kóptegen tyıymdar bar. Birazy túsinikti, al keıbireýleri týrıserdi tańǵaldyrmaı qoımasy anyq. Jergilikti bılik qonaqtarǵa barynsha jumsaq qaraýǵa tyrysady, alaıda, soǵan qaramastan, myna tyıymdardy bile júrgen jón. Óıtkeni onyń saldary sizdi tyǵyryqqa tireýi múmkin. Tonkosti basylymy BAÁ-degi tyıymdardy tizip jazdy , dep habarlaıdy Almaty-akshamy.kz Tengritravel.kz-ke silteme jasap.
Qoǵamdyq kólikte tamaqtanýǵa jáne sýsyn ishýge bolmaıdy
Kóknár tuqymy qosylǵan azyq-túlik alyp júrýge bolmaıdy
BAÁ-de esirtkige qarsy zań qatal. Tipti salystyrmaly túrde zıansyz kóknár tuqymdaryna tyıym salynǵan (olar apıyn jasaý úshin qoldanylady). Sondyqtan, eger siz kórshi asqanadan súıikti kóknár qosylǵan toqashty sómkeńizge salýdy oılasańyz, bul ıdeıadan bas tartqan jón.
Las kólikpen júrýge bolmaıdy
Jergilikti zań boıynsha las kólikter «qalanyń kórkin buzyp, qoǵam densaýlyǵyna zıan keltiredi». Kólik jýýdan jaltarsańyz, 350 myń teńge aıyppul arqalaýyńyz múmkin.
Adamdardy ruqsatsyz sýretke túsirýge bolmaıdy
BAÁ zańnamasy jeke ómirge qol suǵýshylyqty qatań túrde baqylaıdy. Eger bireýdi ruqsatsyz sýretke túsirse óte qatal jazalanady: quqyq buzýshylarǵa qomaqty aıyppuldar, tipti túrmege qamaý jazasy taǵaıyndalady, ásirese sýretter áleýmettik jeliler sıaqty kópshilikke jarıalansa jaǵdaı tipti ýshyǵady.
2015 jyly BAÁ-de kúıeýimen birge turǵan aýstralıalyq sýretshi múgedekterge arnalǵan oryndarda turǵan kóliktiń sýretin Facebook paraqshasynda jarıalaǵany úshin 1,2 mıllıon teńge aıyppul tólep, elden shyǵarylǵan.
Qoǵamdyq oryndarda bıleýge bolmaıdy
Ámirlikterge demalýǵa kelip, áýejaıda qýanyshtan bılegińiz kelse, qonaqúıge jetkenge deıin barynsha ózińizdi ustańyz. Jurt aldynda bıleý bul elde tártipsiz qylyq retinde esepteledi. Tek belgilengen jerlerde, mysaly, ózińiz toqtaǵan úı nemese lısenzıalanǵan túngi klýbtarda, bıleýge ruqsat.
Jolda kólik apatyn sýretke túsirýge bolmaıdy
BAÁ-de saıahattaý kezinde sýretke túsirý kezinde jeti ret ólshep, bir ret keskenińiz jón. Munda adamdardyń ruqsatynsyz sýretke túsirý tyıymynan bólek, úkimettik ǵımarattardy, áskerı nysandardy, sot jáne saraılardy sýretke túsirýge bolmaıdy. Ásirese, joldaǵy apattardy jáne basqa da oqys jaǵdaılardy foto/vıdeoǵa túsirýge tyıym salynǵan. Bul úshin siz 6 mıllıonnan 350 mıllıon teńgege deıin aıyppul tóleýińiz múmkin.
Jurt aldynda óz sezimińdi bildirýge bolmaıdy
BAÁ-de qoǵamdyq oryndarda qol ustasyp júrýge, súıisýge jáne qushaqtasýǵa bolmaıdy (basqa da ıntım dúnıelerin aıtpasa da belgili).
Jergilikti bılik ádette týrıserdiń mundaı minez-qulqyna kóz jumady, alaıda olardy jaýapkershilikke tartqan jaǵdaılar bar. Mysaly, 2010 jyly Ulybrıtanıadan kelgen erli-zaıyptylar qamaýǵa alynyp, ádettegi súıisý úshin ádepsiz minez-qulyq jasady dep aıyptaldy. Jigit pen qyz aıyptaýǵa qarsy bolyp, ózderiniń kinásiz ekenderin dáleldemek bolǵan, biraq olar bir aı túrmede otyrdy, sodan keıin jer aýdaryldy.
Balaǵat sóz aıtýǵa bolmaıdy
Ámirlikter balaǵat sózderge qatysty óte konservatıvti, tek daýystap aıtylǵan balaǵat sózder týraly ǵana emes, sonymen qatar jazbasha til týraly, mysaly, áleýmettik jelilerde jáne tipti jeke hat almasýdaǵy messendjerlerdegi sózder úshin jaýap berýge týra keledi.
Eger siz arab tilinde sóılemeseńiz, qýanýǵa asyqpańyz: tyıym-ısharaǵa da qatysty. Mysaly, 2017 jyly Ulybrıtanıadan kelgen IT-keńesshi joldaǵy oqıǵa kezinde ádepsiz qylyq kórsetkeni úshin qamalyp, 6 aıǵa bas bostandyǵynan aıyryldy.
Kólikti baıaý júrgizýge bolmaıdy
Sonymen qatar, BAÁ joldarynda jol belgilerinde kórsetilgen eskertýlerde qalaı tur, sol jyldamdyqty saqtaǵan durys, jyldam nemese baıaý júrýge ruqsat etilmeıdi. Kólikti baıaý júrgizgeni úshin júrgizýshi 100 dollar (43 myń teńge) aıyppul arqalaıdy. Bul týraly Travel-bloger Anastasıa Belozerova aıtty.