"Mılton" daýyly des berer emes.
Jeldiń ekpini saǵatyna 200 shaqyrymǵa jetken. Saldarynan kóshelerdi sý shaıyp, 2 mlnnan astam adam jaryqsyz qaldy. Tabıǵı apattan qaza tapqandar da bar. Jel ekpini báseńdemese tolqyn týdyryp, alapat sý tasqynyna alyp kelýi múmkin degen boljam bar, dep habarlaıdy aqshamnews.kz.
6 mln-nan astam adam úılerin tastap, qaýipsiz jerge kóshýge májbúr bolǵan. Florıda shtatynyń 70 myńnan astam turǵyny bılik uıymdastyrǵan baspanalarǵa evakýasıalandy. Qaladaǵy mektepter men joǵarǵy oqý oryndary jabylyp, qyzmetkerler qysqamerzimdi eńbek demalysyna jiberildi. Memlekettik mekemeler, dúkender men kóptegen jekemenshik kompanıalar jumysyn toqtatty.
Qazaqstannyń AQSH-taǵy elshiligi otandastarymyzdy tótenshe jaǵdaı bolsa dereý qaýipsiz jerge kóshýge daıyn bolýǵa, jergiliki bıliktiń nusqaýlaryn múltiksiz oryndaýǵa shaqyrdy. Tabıǵı apatqa baılanysty elshilik jedel jelini iske qosty. Maıamıdegi otandastarymyz da daýylǵa qarsy qamdanýdy bastap ketti. Olarǵa úılerin qorǵaý úshin qum toltyrylǵan qap tegin taratylǵan.