Sý resýrstary jáne ırrıgasıa mınıstri Nurjan Nurjigitovtiń tapsyrmasy boıynsha vedomstvo sý resýrstaryn basqarýdaǵy zań buzýshylyqtarmen, sýdyń «kóleńkeli» naryǵymen jáne sý salasyndaǵy sybaılas jemqorlyq táýekelderine qarsy kúresti jalǵastyryp jatyr.
Nátıjesinde, sý resýrstaryn zańsyz jáne tıimsiz paıdalaný, memlekettik satyp alýǵa baılanysty zań buzýshylyqtar anyqtaldy, dep habarlaıdy aqshamnews.kz Sý resýrstary jáne ırrıgasıa mınıstrligine silteme jasap.
1. Almaty oblysynyń Kúrti aýdanynda sharýa qojalyqtarynyń sýarmaly sýdy jergilikti «Qazsýshar» fılıalymen kelisimshartqa otyrmaı paıdalanǵandary anyqtaldy. Atap aıtqanda, 100 ga egis alqabyn sýarý úshin sýdy zańsyz alǵan.
2. Sondaı-aq, keıbir gıdrotehnıkalyq qurylystardyń tozýyna baılanysty kanalda qosymsha sý shyǵyny anyqtaldy. Iaǵnı, fılıal basshylyǵynyń nysandardyń tehnıkalyq jaı-kúıine jetkiliksiz baqylaý júrgizýine baılanysty sý resýrstaryn tıimsiz paıdalaný jáne esebin júrgizý oqıǵalary tirkeldi.
3. Budan bólek, memlekettik satyp alýda zań buzý faktileri anyqtaldy. Fılıal zańdy jáne ishki normatıvtik qujattardy buza otyryp, bir kózden memlekettik satyp alý týraly 7 kelisimshart jasasqan. Osyǵan deıin, 2023 jylǵy shildede jalpy somasy 17,5 mln teńgege Sol jaǵalaý magıstraldy kanalynyń jer bóligin mehanıkalyq tazalaý qyzmetin kórsetýge osyndaı tásilmen shart jasalǵan. Iaǵnı, zań buzýshylyq júıeli túrde qaıtalanǵan.
4. Fılıal dırektorynyń mindetin atqarýshy jaqyn týystarymen birge jumys isteýge jol bermeý týraly sybaılas jemqorlyqqa qarsy zańnamada belgilengen talapty saqtamaǵan.
Tekseris qorytyndysy boıynsha barlyq anyqtalǵan quqyq buzýshylyqtardyń jalpy somasy shamamen 20 mln teńgeni qurady.
Barlyq anyqtalǵan zań buzýshylyqtar boıynsha materıaldar tıisti ýákiletti organdarǵa jiberildi. 3 quqyq buzýshylyq faktisi boıynsha fılıal dırektorynyń mindetin atqarýshy tulǵaǵa ákimshilik aıyppul salyndy. Aıta ketý kerek, dırektordyń m.a. osyǵan deıin de birneshe márte eskertý túrinde tártiptik jaýapkershilikke tartylǵan.
Oblystyq fılıalǵa kemshilikterdi joıý boıynsha usynystar berildi.
«Qazsýshardyń» basqa da oblystardaǵy fılıaldary tekseristen ótedi. Aıta ketý kerek, sýdyń «kóleńkeli» naryǵymen tıimdi kúresý úshin mınıstrlik janynan sý resýrstaryn retteý, qorǵaý jáne paıdalaný jóninde jańa Komıtet quryldy.
Eske sala keteıik, osyǵan deıin Joǵary aýdıtorlyq palata men Sý resýrstary jáne ırrıgasıa mınıstrligi birlesip júrgizgen tekseristerdiń qorytyndysy boıynsha «Qazsýshar» kásiporynynyń basshy laýazymyndaǵy 5 qyzmetkeri tártiptik jaýapkershilikke tartylǵan bolatyn. Al, Sý resýrstary jáne ırrıgasıa mınıstrliginiń İshki aýdıt departamenti Jambyl oblysynda sýdy zańsyz paıdalanýdyń 10 faktisin anyqtady. Búgingi tańda fılıal basshysy qyzmetinen bosatyldy.