Qaryzdyń jalpy somasy 29,1 mıllıard teńge.
Bir mıllıonnan astam qazaqstandyqtyń múlik pen kólik salyǵy boıynsha bereshegi bar, dep habarlaıdy Almaty-akshamy.kz
1 mıllıonnan astam qazaqstandyqtyń múlik pen kólik salyǵy boıynsha jalpy somasy 29,1 mıllıard teńge bolatyn qaryzy bar.
Memlekettik kirister komıtetiniń málimetinshe, onyń 27,9 mlrd teńgesi – kólikke salynatyn salyq boıynsha qaryz.
"Osy jyldyń 26 mamyrynan bastap bereshek somasy 1 aılyq eseptik kórsetkishten asatyn boryshkerlerdiń tizimi óndirip alý úshin jeke sot oryndaýshylarǵa jiberiletin bolady. Zańnamaǵa sáıkes jeke sot oryndaýshylar banktik shottar jáne múlikke tyıym salýǵa quqyly. Sondaı-aq bereshek somasy 40 aılyq eseptik kórsetkishten asqan kezinde boryshkerge Qazaqstan Respýblıkasynan shyǵýǵa tyıym salynýy múmkin", - delingen komıtet habarlamasynda.
Sondaı-aq jeke sot oryndaýshylary boryshkerden bereshek somasynan bólek sol qaryzdyń 25 paıyzyna deıingi mólsherde qosymsha aqy óndirip alady.
Salyq boıynsha bereshektiń bar-joǵyn e-Salyq Azamat mobıldi qosymshasynan tekserýge bolady.