Qujatqa sáıkes, mıkrokredıt boıynsha syıaqy mólsherlemesi kórsetilgen jarnamalarda jyldyq tıimdi syıaqy mólsherlemesi mindetti túrde sandyq túrde jazylýy tıis, dep habarlaıdy aqshamnews.kz
Bul kórsetkish jarnamadaǵy ózge aqparatqa qaraǵanda usaq qarippen jazylmaýy kerek.
Mıkroqarjy uıymdarynyń klıenttermen jumys isteý erejesi mynadaı tarmaqtardy qamtıdy:
klıentterdiń quqyqtary men múddelerin qorǵaý saıasaty;
mıkrokredıtke ótinishti qaraý rásimi men merzimi;
mıkrokredıt berý barysynda klıentpen ózara is-qımyl tártibi;
múgedektigi bar jáne qozǵalysy shekteýli adamdarǵa qyzmet kórsetý talaptary (2026 jylǵy 2 shildeden bastap);
mundaı azamattarǵa senimdi tulǵa qatysýymen qyzmet kórsetýdiń erekshelikteri (2026 jylǵy 2 shildeden bastap).
Sonymen qatar, qujatta mıkroqarjylyq qyzmet boıynsha daý týyndaǵan jaǵdaıda klıentke onyń mıkroqarjy uıymyna, mıkroqarjy ombýdsmenine nemese sotqa júginý quqyǵy bar ekeni eskertilýi tıis ekendigi kórsetilgen. Bul rette klıentke uıymnyń mekenjaıy, elektrondyq poshtasy jáne ınternet-resýrsy týraly málimet beriledi.
Atalǵan buıryq 2026 jylǵy 2 shildeden bastap kúshine enedi.