Iadrolyq energıa departamentiniń dırektory retinde Qazaqstannyń atom energetıkasyna kóshý máselesinde aıtarlyqtaı tájirıbesi men áleýeti bar ekenin aıtqym keledi.
– Qazaqstan kómir energetıkasynan taza, ıaǵnı atom energıasyna kóshýi kerek. Sebebi jel men kún energıasyn turaqty «jasyl» energıa kózi retinde qarastyrý qıyn, ásirese ónerkásiptik masshtabtaǵy qajettilikterdi jabý úshin. Al Qazaqstannyń atom energetıkasy salasynda úlken tájirıbesi bar. Elimizde qajetti ınfraqurylym, turaqty retteýshi jáne qadaǵalaý organdary jaqsy damyǵan. Biz beıbit atomdy qoldaımyz jáne referendým kezinde Qazaqstan halqy da bul bastamany qoldaıdy dep senemiz.
Qazaqstannyń Aqtaý qalasynda BN-350 jyldam neıtrondy reaktory 1973 jyldan 1988 jylǵa deıin jumys istep, qalaǵa jylý energıasyn, elektr qýatyn jetkizip qana qoımaı, teńiz sýyn tushshylandyrýǵa da qoldanyldy. Ol táýligine 120 myń tekshe metr tazartylǵan sý beretin álemdegi jalǵyz ıadrolyq tushshylandyrý qondyrǵysy boldy.
– Qazaqstan úshin atom energetıkasy burynnan tanys sala. Aqtaý qalasyndaǵy BN-350 reaktory sol kezdegi eń qýatty jyldam neıtrondy reaktorlardyń biri bolyp tabyldy jáne ol uzaq jyldar boıy tıimdi jumys istedi. Bul Qazaqstannyń atom energetıkasy salasynda baı tájirıbesi bar ekenin kórsetedi. Sonymen qatar, Qazaqstan ýran óndirý boıynsha álemdegi birinshi orynda jáne osy resýrstardy tıimdi paıdalaný arqyly óziniń energetıkalyq qajettilikterin tolyq qamtamasyz ete alady.
Qazaqstan resýrstardy óz energetıkalyq qajettilikterin qamtamasyz etýge jáne atom energetıkasyn belsendi damytýǵa baǵyttaýy kerek.
Atom energetıkasynyń Qazaqstan úshin artyqshylyqtary aıqyn – turaqty energıa kózi, ekonomıkalyq tıimdilik jáne ekologıalyq taza tehnologıa. Sondyqtan Qazaqstannyń atom energetıkasyna kóshýi eldiń energetıkalyq táýelsizdigin kúsheıtip, halyqaralyq deńgeıdegi bedelin arttyra alady.