Dárigerler fızıkalyq belsendilik pen aqyl-oı qyzmeti mıdy qartaıýdan qutqaratynyn atady
Mıdaǵy destrýktıvti prosester tuqym qýalaýshylyqqa, klımatqa, jalpy densaýlyqqa baılanysty bolýy múmkin, deıdi dárigerler.
Dárigerler mıdyń qartaıýyn tejep, onyń uzaq jyldar boıy jumys isteý qabilettiligin arttyratyn qarapaıym úsh ádisti atady. Olardyń aıtýynsha, adam aldymen durys uıyqtap, uıqysy qanyq bolý kerek. Bul mıdyń aqyl-oı qyzmetinen keıin qaıta qalpyna kelýine múmkindik jasaıdy. Dárigerler sondaı-aq uıqysy qanǵan adamnyń jumys isteý qabilettiligi de joǵary bolatynyn atady, ondaı adamdar stresstik jaǵdaılardy da jeńil qabyldaıdy.
Ekinshi ereje – únemi jańa nárselerdi úırenip otyrý qajet. Oqý barysynda mıda jańa neırondyq baılanystar paıda bolady. Bul mıdyń turaqty damýyna yqpal etedi jáne qartaıýǵa jol bermeıdi.
Dárigerler sonymen qatar jumys kúni ishinde vıtamınder men dıetalyq qospalardy qabyldaýdy usynady. Olar negizgi dárýmenderdi kókónister men jemisterden alýǵa bolatynyn da atap ótti.
Buǵan deıin dıetolog Serena Pýn (Serena Poon) taǵamdardaǵy ýly zattar mıdyń qartaıýyn jyldamdatatynyn aıtqan bolatyn. Olardyń qatarynda qant, óńdelgen et jáne tazartylǵan kómirsýlar bar.