Qazaqstan quramasy bir kúmis jáne eki qola medal jeńip aldy
Dzúdodan Qazaqstan quramasy Tel-Avıvtegi álemdik «Grand Slam» jarysyn bir kúmis jáne eki qola medalmen aıaqtady, dep habarlaıdy Almaty-akshamy.kz Olympic.kz-ke silteme jasap.
Búgin, jarystyń úshinshi kúninde otandyq tatamı sheberleri júldegerler qatarynan kórine almady. Qazaqstan sapynan Nazgúl Maratova jubanysh fınalyna shyqqanymen, qola júlde úshin talasta qarsylasyna jol berdi. 78 keliden joǵary salmaqta synǵa túsken ol qola júlde úshin beldesýde fransıalyq Djýlıa Tolofýadan utylyp, jarysty besinshi orynmen aıaqtady.
Aıta keterligi, Qazaqstan quramasy atalǵan jarysta bir kúmis jáne eki qola medal jeńip alǵan bolatyn. 60 kelige deıingi salmaq dárejesinde beldesken Baýyrjan Narbaev jarystyń kúmis júldesin ıelense, Maǵjan Shamshadın (60 kg) men Jansaı Smaǵulov (73 kg) qola júldege qol jetkizdi.