Úkimet jer qoınaýyn paıdalanýshylarǵa berilgen kelisimsharttar men lısenzıalardy qaıta qarap jatyr
Qazaqstan Respýblıkasy Premer-Mınıstriniń birinshi orynbasary Roman Sklár qatty paıdaly qazbalar men kómirsýtek shıkizatynyń ken oryndaryn tekserý máselesi jóninde keńes ótkizdi. Bul týraly Úkimettiń saıty habarlady.
Úkimet jer qoınaýyn paıdalanýshylarǵa berilgen kelisimsharttar men lısenzıalardy qaıta qaraý boıynsha júıeli jumys júrgizýde. Osylaısha, taldaý barysynda ýákiletti organdar mindettemelerin durys oryndamaı otyrǵan qatty paıdaly qazbalarǵa qatysty 148 jáne kómirsýtek shıkizatyna qatysty 27 kelisimshartty anyqtady.
Tıisti Jol kartasy aıasynda toqtatý týraly tıisti habarlamalar jiberiletin sharttar men lısenzıalardy anyqtaý josparlanýda.
Osy jumystardyń nátıjesinde ken oryndary jańa ınvestorlarǵa berý úshin aýksıonǵa shyǵarylady.
Aýksıonda jer qoınaýyn paıdalaný quqyǵyn usyný barlyq múddeli ınvestorlardyń qatysýyna teń múmkindik beredi.
Aýksıondardy ótkizý týraly aqparat memlekettik organdardyń respýblıkalyq baspa basylymdarynda jáne ınternet-resýrstarynda mindetti túrde ornalastyrylady.
Qabyldanyp jatqan sharalardyń qorytyndysy boıynsha jer qoınaýyn paıdalaný salasyna, birinshi kezekte qatty paıdaly qazbalar ken oryndaryn ıgerý boıynsha ınvestısıalar aǵyny ulǵaıady.
Úkimettiń osy baǵyttaǵy jumysy jalǵastyrylady.