Almaty metrosynan ₸5 mlrd jymqyrdy degen laýazymdy basshylardyń isi sotqa jetti
Kólik prokýratýrasy «Metropolıten» KMK burynǵy basshylyǵy, sondaı-aq merdiger uıymdar - «Almatymetroqurylys» AQ jáne «Avtomattandyrý jáne tehnologıalar servısi» JSHS laýazymdy tulǵalaryna qatysty isti tergep bitti. Qylmystyq is QK 189-baby 4-bóliginiń 2-tarmaǵy jáne 216-babynyń 3-bóligi boıynsha qozǵalǵan bolatyn, dep habarlaıdy Almaty-akshamy.kz QazAqparatqa silteme jasap.
Tergeý málimetinshe, kúdiktiler Almaty qalasy metropolıteniniń jańa jelisin salý kezinde aýqymdy basqarý fýnksıasyna ıe bolǵan.
Dál osy ókilettikter olarǵa qylmystyq jaǵdaı jasaýǵa jáne 5 mlrd teńge urlaýǵa múmkindik berdi.
Ol úshin olar jalǵan baǵa usynystaryn jınaqtap, olardyń negizinde quny 10 ese joǵary bolatyn jabdyqtardy satyp alýǵa smeta jasady.
Keıinnen jymqyrylǵan qarajatty «jalǵan kásiporyndar» arqyly qolma-qolǵa aınaldyrdy.
Jymqyrǵan aqshany qaıtarý úshin úsh qymbat páterge, Almaty qalasyndaǵy bir keńsege, Almaty oblysyndaǵy jer ýchaskesine, lúks avtokólikterine, brendtik saǵattarǵa jáne kúdiktilerdiń basqa da birqatar aktıvterine tyıym salyndy.
Búgingi tańda qylmystyq is sotqa joldanǵan.