Almaty aýdandarynyń aýmaqtaryn damytý jáne abattandyrý boıynsha ótinimderdi qabyldaý 1 qyrkúıekten bastalyp, aǵymdaǵy jyldyń 20 qyrkúıegine deıin jalǵasady.
Saraptamalyq keńesterdiń baǵalaýynan ótken jáne daýys berýde kóshbasshy bolǵan jobalardy Almaty aýdandyq ákimdikteri 2024 jyly iske asyratyn bolady, dep habarlaıdy Almaty-akshamy.kz.
Qala turǵyndarynyń bastamalary ınternet-portal arqyly jiberilýi tıis budget.open-almaty.kz jobalyq usynystyń ataýy men sıpattamasyn, ornalasqan jeriniń meken-jaıyn, boljamdy fotosýretti nemese eskızdi, jobalyq usynystyń smetasyn (ınternet jelisinen shamamen esepteýler men mysaldarǵa jol beriledi) qamtıdy.
Jobalyq usynystar kelesi krıterıılerge sáıkes kelýi kerek:
- bir avtor-bir ótinim-bir obekt;
- nysan jalpy paıdalanýdy qamtýy kerek;
- obekt ony iske asyrý josparlanyp otyrǵan aýdan aýmaǵynda, jalpy paıdalanymdaǵy jer ýchaskesinde ornalasýy tıis;
- bir jobalyq usynystyń quny 86,2 mln teńgeden aspaýy tıis.
Jobalyq usynystar toǵyz sanat boıynsha qabyldanady:
- kógaldandyrý;
- trotýarlardy jaılastyrý;
- trotýarlardy, pandýstardy, aryqtardy salý jáne jóndeý;
- jalpyǵa ortaq paıdalanylatyn oryndardy (saıabaqtar, skverler, jaıaý júrginshiler aımaqtary, kósheler jáne ózge de obektiler)qurý, jóndeý jáne jaryqtandyrý;
- jıekterdi, tósenishterdi, tireý qabyrǵalaryn jóndeý;
- polıgondardy joıý;
- balalar oıyndary men eresekterdiń demalysy úshin, jalpy paıdalaný oryndarynda besedkalardy, oryndyqtardy, ýrnalardy, jabdyqtar men konstrýksıalardy ornatý jáne jóndeý;
- aýla aýmaqtarynda jáne jalpy paıdalaný oryndarynda sport alańdaryn (trenajer alańdary, fýtbol, basketbol, voleıbol alańdary), balalar oıyn alańdaryn ornatý, jóndeý jáne jaryqtandyrý;
- sanıtarıany qamtamasyz etý.
Ótinimderdi qabyldaý merzimi aıaqtalǵannan keıin saraptamalyq keńester men aýdandyq ákimdikterdiń ókilderi kelip túsken ótinimderdi olardyń sanattarda kózdelgen «Halyq qatysatyn búdjet» talaptary men ólshemsharttaryna sáıkestigi turǵysynan nobaı men boljamdy smetanyń bolýyna baǵalaıdy.
Qaraý nátıjeleri boıynsha árbir ótinim olardyń úsh mártebesiniń birin alady: «daýys berýge jiberildi», «pysyqtaýǵa jiberildi» nemese «qabyldanbady».
«Halyq qatysatyn búdjettiń» barlyq erejelerine sáıkes resimdelgen ótinimder maquldanady jáne daýys berý kezeńine jiberiledi.
Pysyqtaýǵa baǵyttalǵan jobalyq usynystardyń avtorlary ótinimderdi qaıta qaraýǵa jiberýge múmkindik alady. Avtorlar óz ótinimin pysyqtaý qajettiligi týraly habarlamany budget.open-almaty.kz ınternet-portalda tirkeý kezinde kórsetilgen elektrondyq mekenjaıǵa jibere alady.
Aıta keteıik, 2019-2022 jyldar aralyǵynda «Halyq qatysatyn búdjet» aıasynda 14 mlrd teńge somasyna 541 joba iske asyryldy: 2020 j. - 1.2 mlrd teńgege 49 joba; 2021 j. - 5.4 mlrd teńgege 256 joba; 2022 j. - 7.4 mlrd teńgege 236 joba. 2023 jyly 52 joba iske asyryldy, qazirgi ýaqytta jumysta 163 joba bar, jaqyn arada 162 jobany iske asyrý josparlanýda. Baǵdarlamany iske asyrýǵa 2023 jyly 15,5 mlrd teńge, salystyrý úshin 2022 jyly - 8,5 mlrd teńge, 2020 jyly - 7,4 mlrd teńge bólindi.
Daýys berýge jiberilgen jobalar týraly aqparat budget.open-almaty.kz.portalynda «jobalar boıynsha materıaldar» bóliminde jarıalanady.
«Halyq qatysatyn búdjet» jobasy boıynsha suraqtar týyndaǵan jaǵdaıda keńes alý úshin Almaty qalasynyń aýdandyq ákimdikterine, sondaı-aq Almaty qalasy ákimdiginiń Open Almaty qoǵamdyq qabyldaý bólmesine telefon arqyly habarlasýǵa bolady +7 727 224 39 29 (ishki. 203, 127), 1308.