Mereke qarsańynda elimizdiń ishki ister organdarynyń jeke quramy kúsheıtilgen qyzmet túrine kóshiriledi.
Qazannyń 24-i men 26-sy aralyǵynda polısıa jáne ulttyq ulan qyzmetkerleriniń sany 20 myńǵa kóbeıtilmek, dep habarlaıdy Almaty-akshamy.kz 24.kz-ke silteme jasap.
Quqyq buzýshylyqtyń aldyn alý maqsatynda óńirlerdegi qoǵamdyq oryndar, mádenıet oshaqtary, kósheler men turǵyn úı aýlalary qatań baqylaýǵa alynady.
İshki ister mınıstrligi mereke qarsańynda turǵyndardy qoǵamdyq tártipti saqtaýǵa, óz múlikterine saq bolýǵa shaqyrady.
«Ákimdiktermen birlesip, mádenı buqaralyq sharalar ótetin oryndar belgilendi. Osy kúnderi qoǵamdyq tártipti saqtaýǵa tartylǵan polısıa men Ulttyq ulan qyzmetshileriniń sanyn 20 myńǵa jetkizý kózdelgen. Polısıa jasaqtary azamattar kóp jınalatyn ári demalatyn oryndarǵa jaqyndatylady. Kameralar men vızaldy baqylaýǵa alynady», - dedi QR İİM Ákimshilik polısıa komıteti erekshe tapsyrmalar jónindegi aǵa ınspektory Aıdyn Orazbaev.