8 naýryzdaǵy mereke kúni el boıynsha jedel járdem brıgadalary 103 dıspecherlik qyzmetiniń púltine kelip túsken 22,7 myń shaqyrtýǵa qyzmet kórsetti.
Onyń ishinde 1147 shaqyrtý birinshi sanatqa, 6723 - ekinshi sanatqa, 6220 úshinshi sanatqa jáne tórtinshi sanat boıynsha emhanalar janyndaǵy brıgadalar 8624 shaqyrtýǵa qyzmet kórsetti, dep habarlaıdy aqshamnews.kz.
Eń kóp shaqyrtýlar Túrkistan oblysy, Shymkent, Almaty, Astana qalalarynda, odan keıin Jambyl jáne Almaty oblystarynda tirkeldi.
Bul kúni aýyr dıagnozy bar pasıentterge 15 telemedısınalyq konsýltasıa berildi, sanıtarıalyq avıasıa bir ret ushýdy júzege asyrdy. Jedel koronarlyq sındromy bar er adam sanavıasıa bortymen Qurmanǵazy kentinen Atyraý oblystyq aýrýhanasyna jetkizildi.
Qazirgi ýaqytta el boıynsha jedel medısınalyq járdem qyzmetin 20 derbes stansıa, 98 qalalyq kishi stansıa jáne 232 aýdandyq bólimshe usynady.
Oblystyq jáne qalalyq jedel járdem stansıalarynda bir aýysymda 1 491 kóshpeli brıgada jumys isteıdi, MSAK (emhana) uıymdarynyń janyndaǵy shuǵyl 4-sanattaǵy shaqyrtýlarǵa qyzmet kórsetý úshin 446 brıgada jumys isteıdi.