Almatyda jalpy respýblıkalyq «Taza Qazaqstan» baǵdarlamasy jáne «Almaty – bizdiń ortaq úıimiz» qalalyq naýqany aıasynda uıymdastyrylǵan «Taza saıabaqtar men skverler» aptalyǵy bastaldy, dep habarlaıdy aqshamnews.kz.
İs-sharanyń maqsaty-tazalyqty saqtaý, kógaldandyrý, qoǵamdyq keńistikterdi abattandyrý jáne turǵyndardy qalany birlesip tazartýǵa tartý.
Aǵymdaǵy jyldyń 10-16 naýryzy aralyǵynda Almatyda saıabaqtarda, skverlerde, ózen jaǵalaýlarynda aýqymdy ekologıalyq aksıalar ótedi. Qoqystardy jınaý, aryqtardy tazartý, aǵashtar men butalardy otyrǵyzý, abattandyrýdyń jańa elementterin ornatý josparlanýda. Apta aıasynda ekologıalyq aksıalar (blogıng, merzimi ótken dári-dármekterdi tapsyrý jáne t.b.), qaldyqtardy bólek jınaý boıynsha bilim berý dáristeri men sheberlik synyptary uıymdastyrylady.
Aýmaqty jınaý aksıasymen qalanyń 445 saıabaǵy men skverleri, sondaı-aq Esentaı, Kishi Almaty, Qarǵaly, Boraldaı, Aqsaı, Jarbulaq, Tiksaı, Qarasý, Eremensaı, Tastybulaq, Keren qulaq ózenderiniń jaǵalaýlary qamtylady, Bekenbaı, Ábilǵazy, Botbaısaı, Shybynsaı, Terisbulaq, Bedelbaı, Áýejaı, ÚAK, M2 jáne M1 kanaldary.
«Almaty – bizdiń ortaq úıimiz» naýqany ekologıalyq habardarlyqty arttyrýǵa jáne qala turǵyndary arasynda qorshaǵan ortaǵa jaýapkershilikpen qaraýdy qalyptastyrýǵa baǵyttalǵan.