Byltyr 71-orynda bolǵan.
Menshik quqyǵyn qorǵaý deńgeıi boıynsha reıtıńte Qazaqstan 129 eldiń ishinde 75-orynǵa turaqtady, dep habarlaıdy Almaty-akshamy.kz Inbusiness.kz silteme jasap.
Byltyr 71-orynda bolǵan. Elimizdiń ındeksi – 4,629. Aıta ketý kerek, bul ındeks neǵurlym joǵary bolsa, elde menshik quqyǵy soǵurlym jaqsy qorǵalady degendi bildiredi.
Osy jyldyń 10 aıynda bul salada 107 myń qylmystyq quqyqbuzýshylyq tirkeldi. Bul byltyrǵyǵa qaraǵanda 5%-ǵa artyq.
Respýblıka boıynsha alyp qaraıtyn bolsaq, quqyqbuzýshylyqtardyń basym bóligi Almaty qalasynda tirkeldi (26,6 myń jaǵdaı). Antılıderler úshtiginde Astana qalasy (12,9 myń quqyqbuzýshylyq) men Almaty oblysy (8,4 myń quqyqbuzýshylyq) bar.
Jańadan qurylǵan úsh oblysta quqyqbuzýshylyqtyń eń az sany tirkeldi.
Múlikke qatysty qylmystyq quqyqbuzýshylyqtardyń jartysyna jýyǵy urlyq (51,9 myń jaǵdaı) boldy. Bul ótken jylmen salystyrǵanda 6,7%-ǵa artyq.
Budan bólek alaıaqtyqtyń 37,3 myń jaǵdaıy (+7,1%) tirkeldi, usaq urlyq – 10,2 myń jaǵdaı, tonaý – 2,1 myń jaǵdaı, mal urlyǵy – 1,5 myń jaǵdaı.
TMD elderiniń ishinde elimizdi Ázirbaıjan (60-oryn) men Armenıa (63-oryn) basyp ozdy. Al, Reseı (85-oryn), Moldova (95-oryn) jáne Ýkraına (105-oryn) elderindegi kórsetkishter aıtarlyqtaı tómen.
Atalmysh reıtıńte Fınlándıa, Sıngapýr jáne Shveısarıa kósh bastady. Bul elderde menshik quqyǵy jaqsy qorǵalǵan. Eń sońǵy orynda Venesýela ornalasty.