Almatyda týrısik ekspedısıalyq jasaqtardyń respýblıkalyq «Meniń Otanym – Qazaqstan» sleti ótti. Sletke jalpy orta jáne qosymsha bilim berý uıymdarynyń Astana, Almaty jáne Shymkent qalalyq sletiniń 57 240 jeńimpazy qatysyp, óz óńirleriniń ozyq tájirıbesin ortaǵa saldy. Jalpy, ótkizilip otyrǵan slet balalar men jastardyń boıyna Otanǵa degen súıispenshilikti oıatyp qana qoımaı, patrıottyq sana-sezimdi qalyptastyrýdy maqsat tutqan. Árıne, týrısik salany nasıhattaýǵa belsene qatysqan jas urpaqtyń salaýatty ómir saltyn da berik ustanatyny anyq.
Qazirgi tańda elimiz boıynsha týrızm salasy jan-jaqty damyp keledi. Árıne, onyń damyp, gúldenýi búgingi mektep oqýshylaryna, keleshek jas urpaqqa tikeleı baılanysty. Sondyqtan endigi jerde osyndaı ekspedısıalyq jasaqtar jıi bas qosyp, atalmysh slet turaqty ótkiziletin bolady.
Bizdiń elimiz de álem elderi sıaqty Týrızm kúnin belgilep, atap ótýde. 1979 jyly ıspanıalyq Torremolıno qalasynda Dúnıejúzilik týrısik uıymynyń Bas Assambleıasy «Dúnıejúzilik týrızm kúnin» bekitken edi. Al 1970 jyldyń 27 qyrkúıeginde Dúnıejúzilik týrısik uıym Jarǵy qabyldap, dál osy kún týrızm kúni bolyp belgilengen bolatyn. Atalmysh meıramdy atap ótý arqyly týrızmdi damytyp, túrli memleketter arasyndaǵy qarym-qatynasty nyǵaıtý kózdelgen. Sonymen qatar, týrızmniń mańyzdylyǵy men onyń áleýmettik, mádenı, ekonomıkalyq mánin halyqaralyq deńgeıge jetkizý de osy mereke aıasynda qamtylyp otyr. Keı memleketter úshin týrızm salasy óte mańyzdy. Eń aldymen, ekonomıkalyq faktor jáne memlekettik búdjet kirisiniń negizgi kózi bolyp tabylady.
Sondyqtan, dál qazir «Dúnıejúzilik týrızm kúnin» álemniń kóptegen eli 30 jyldan astam ýaqyt atap ótip keledi. Atalmysh mereke jyl saıyn Búkilálemdik týrısik uıym bekitken taqyryp aıasynda atalyp ótedi. Árıne, dál osy kúni týrızmge arnalǵan jıyndar, baıqaýlar men festıváldar ótedi. Almatyda ótken slet barysynda qatysýshylar «At týrızmi» jáne «Týrısik marshrýttar» nomınasıasy boıynsha ózderiniń zertteý jumystaryn qorǵady. Olar at týrızminiń ereksheligi, ony tabıǵatpen baılanystyra damytý tásili, buǵan qosa mádenıet pen tarıhtyń jańa qyrlaryn ashýǵa qalaı kómektesetinin aıtyp beredi. Sondaı-aq, barlyq qatysýshylar týrısik marshrýttar týraly óz bilimderimen bólisip, tabıǵı jáne mádenı murany saqtaýdyń el bolashaǵy úshin zor mańyzy týraly oılarymen bólisti.
– Sletke qatysýshylar Almatynyń tabıǵatyn, týrızmniń naǵyz ortalyǵy ekenin aıtyp, rızashylyqtaryn bildirdi. Jańa orta taýyp, ózderi qatysqan jarystar men joryqtary týraly tájirıbelerimen bólisti, – deıdi Oqýshylar saraıynyń basshysy Aıgúl Bolatbekqyzy.
Almatyda bas qosqan el jastary da dombyra men gıtaranyń súıemeldeýimen týrısik ánderdi oryndap, óz ónerlerin kórsetti. Slet jeńimpazdary arnaıy dıplom men syılyqtarmen, al jeńimpazdardyń jetekshileri Alǵys hatpen marapattalady. Barlyq qatysýshylarǵa sertıfıkat tabystalady. Slettiń jabylý saltanaty Oqýshylar saraıynda ótti.
