AES qurylysy jáne ınfraqurylymnyń damýy: jańa múmkindikter men bolashaq josparlar
AES qurylysy shamamen 7-10 jylǵa sozylady. Qurylys barysynda jumys isteıtin dánekerleýshi mamandar keıin óz bilimderin jalǵastyryp, AES mamany bola alady. Reaktor bólimshesinde tek joǵary bilimdi mamandar jumys isteıtin bolady. Olar oqytylyp, tájirıbeden ótedi, olardyń árqaısysyna tálimger bekitiledi, barlyq mamandar bir-birin almastyra alady.
Qazirgi tańda atom energetıkasy salasyna mamandardy daıyndaý maqsatynda "Iadrolyq fızıka", "Teorıalyq ıadrolyq fızıka", "Iadrolyq fızıka jáne atom energetıkasy", "Iadrolyq ınjenerıa" jáne "Atomdyq elektr stansıalary jáne qondyrǵylar" sıaqty arnaıy bilim berý baǵdarlamalary júzege asyrylýda. 2023-2024 oqý jylynda bul baǵyttar boıynsha shamamen 250 adam bilim alýda.
Bul mamandar AES qurylysy men eksplýatasıasyna qatysýǵa áleýetti múmkindikke ıe. Olardyń alǵan bilimderi men daǵdylary olardy AES-te jumys isteýge qajetti joǵary bilikti mamandarǵa aınaldyrýǵa kómektesedi. Osylaısha, búginniń ózinde jobada qatysatyn kadrlyq rezerv qalyptasýda.
AES qurylysy tek stansıanyń ózi ǵana emes, sonymen qatar ınfraqurylymnyń damýyn qamtıtyn úlken jobanyń bir bóligi bolyp tabylady. Mańyzdysy - tek AES-ti salý emes, sol jerde jumys isteıtin qyzmetkerler men olardyń otbasylaryna qolaıly ómir súrý jaǵdaıyn qamtamasyz etý.
Alǵashqy qadam retinde AES jumysshylary turatyn zamanaýı turǵyn úıler salynýy kerek. Sonymen qatar, áleýmettik ınfraqurylym nysandaryn - mektepter, balabaqshalar, medısınalyq mekemeler men mádenı ortalyqtar qurý josparlanýda.
Sonymen qatar, AES pen turǵyn aýdandar arasynda qolaıly kólik baılanysyn qamtamasyz etý úshin kólik ınfraqurylymyna kóńil bólinedi, sondaı-aq saýda-sattyq nysandary - dúkender, meıramhanalar jáne demalys oryndary da damytylady. Jasyl aımaqtar men saıabaqtar salynatyn bolady, bul qalalyq landshaftty yńǵaıly jáne ekologıalyq taza etýge kómektesedi. Atom energetıkasy salasyna mamandar daıyndaıtyn bilim berý mekemeleri de qurylady.
Atom energetıkasy – elimizdiń bolashaǵy men damýynyń kepili! AES salý jáne oǵan qajetti ınfraqurylymdy damytý arqyly biz tek energıa máselesin ǵana sheship qoımaı, bolashaq urpaqqa qolaıly ómir súrý ortasyn da jasaımyz.