Búginde qoǵamdy AES qurylysyn kim salady, bizdiń tehnologıalyq múmkindigimiz bar ma, álde qurylys sheteldik tehnologıaǵa táýeldi bola ma degen suraqtar mazalaýda.
Álemde atom elektr stansıasyn tolyqtaı ózi salǵan birde-bir el joq, bul árqashan konsorsıým negizinde júzege asady. Mysaly, avtomatıka eń jaqsysy — Siemens bolýy múmkin, ıaǵnı Germanıa, Fransıa. Eń myqty reaktor korpýsy — Reseıde shyǵarylǵan bolýy múmkin. Eń jaqsy jylý almastyrǵyshtar, týrbınalar — Japonıada, Toshiba. Eń jaqsy sement — Qytaıda. Men Reseı, Fransıa, Amerıka nemese Koreıany qoldaǵaly turǵan joqpyn. Atom ónerkásibiniń myqtylyǵy onyń konservatıvtiliginde, barlyq nárse jyldar boıy synalǵan.
Eger referendýmda halyq atom energetıkasy kerek dep sheshse, seriktesterdiń usynystaryn baǵalap, salystyrý prosesi bastalady. Mamandar jobalardyń tehnıkalyq, ekonomıkalyq jáne ekologıalyq parametrlerin baǵalaıtyn bolady. Aqyrǵy sheshim áli qabyldanǵan joq, ol aldaǵy referendým nátıjesine baılanysty bolady.