Almatyda «Meniń bapkerim» atty serıaldyń túsirilimi aıaqtaldy. Jańa týyndyda «Qaırat» fýtbol ujymy eks-múshesiniń bastan ótkergen qıyndyqtary kórsetiledi. Telehıkaıanyń bas rejıseri – Saıat Sarýar.
– Senarı boıynsha, bizdiń basty róldi somdaıtyn jigit – «Qaırat» fýtbol komandasynyń eks-múshesi. Ol alǵan jaraqatynan keıin araǵa 10 jyl salyp, jattyqtyrýshy retinde qaıta oralady. Onyń ómirinde uzaq ýaqyttyq úzilisten keıin jańa ómir bastalady. Basty rólde oınaıtyn jigittiń esimi Ernazar, – dedi rejıser.
Sport salasyn dáripteıtin bul týyndy 12 serıadan turady. Ár bólimniń jastarǵa berer ózindik mán-maǵynasy bar.
– Bul serıal jastarǵa arnalǵan. Men fızıkalyq turǵyda kınoǵa túsýge árqashan daıynmyn. «Meniń bapkerim» serıalynda ázilqoı jigittiń rólin somdaımyn. Negizinde, biz basty rólde oınaıtyn jigittiń qasynda ekinshi planda júremiz. Senarı boıynsha, uıymshyl komandamyz. Bapkerimiz óte qatal, jeńilip qalmaý úshin qoldan kelgenniń bárin isteıdi, – dedi akter Álıhan Ádilbekov.
Aıta keteıik, telehıkaıada Beıbarys Báden, Baqytjan Aqparov, Aıbar Saly, Aqbota Nur, Daryn Shynybek, Medet Dinmuhamed, Jasulan Kópbergen rólderde oınaıdy.