Dástúrli «MEMLEKETTİK TİL JÁNE BAQ» respýblıkalyq baıqaýy 2005 jyldan beri ótkizilip keledi.
Qazaqstan Respýblıkasy Ǵylym jáne joǵary bilim mınıstrligi Til saıasaty komıteti Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy uıymdastyrǵan dástúrli «Memlekettik til jáne BAQ-2023» baıqaýynyń jeńimpazdary anyqtaldy, dep habarlaıdy Almaty-akshamy.kz.
Saltanatty marapattaý rásimin QR Ǵylym jáne joǵary bilim mınıstrligi Til saıasaty komıtetiniń tóraǵasy Erbol Tileshov quttyqtaý sózben ashty.
QR Ǵylym jáne joǵary bilim mınıstrliginiń málimetinshe, keıingi jyldary baıqaýǵa qazaq tilinde jazatyn otandyq jýrnalısermen birge, memlekettik til týraly orys tilinde qalam terbeıtin qalamgerler de qatysýda.
Buryn saıtta jaryq kórgen materıaldar óz aldyna bólek usynylyp kelse, keıingi jyldary gazet jarıalanymdaryna teńestirilip, birdeı dárejede qarastyrylady.
Bıyl baıqaýǵa 64 ótinim arqyly 145 materıal tústi, olardyń 123-i qazaq tilinde bolsa, 17 – orys tilinde.
Qazylar alqasynyń quramy elimizge belgili qaıratkerler men tanymal jýrnalıserden jasaqtaldy: Bıbigúl Jeksenbaı, QR Parlamenti Senatynyń depýtaty; Dıhan Qamzabekuly, «Qazaq gazetteri» JSHS Bas dırektory, QR UǴA akademıgi; Mahat Sadyq, belgili jýrnalıs, «QazKontent» AQ keńesshisi; Moldıar Ergebekov, ónertaný doktory, A.Iassaýı atyndaǵy halyqaralyq qazaq-túrik ýnıversıtetiniń qaýymdastyrylǵan profesory, kıno men medıa salasynyń zertteýshisi; Erbol Azanbekov, «Qazaq Media Association» (Qazaq Medıa Qaýymdastyǵy) tóraǵasy.
«MEMLEKETTİK TİL JÁNE BAQ – 2023» baıqaýynyń Gran-prı júldesi men 1 000 000 mıllıonov teńge sertıfıkaty «Halyq Uni» aqparattyq agenttiginiń jýrnalısi Áıgerim Taýbaıǵa tabystaldy.
Basylym betterinde, sondaı-aq ınternet resýrstarda jaryq kórgen «Úzdik maqala» atalymy boıynsha birinshi oryndy Atyraý oblystyq «Prıkaspııskaıa komýna» gazetiniń aǵa tilshisi Anjela Lı (Atyraý q.) jeńip aldy, ekinshi oryn – «Qazcontent» El.kz AQ aqparattyq agenttiginiń tilshisi Amangúl Tileı (Astana q.). Úshinshi oryndy № 38 (Astana q.) mektep-lıseıiniń qazaq tili men ádebıeti pániniń oqytýshysy Birjan Ahmer men «Qazaq úni» respýblıkalyq qoǵamdyq-saıası gazetiniń redaktory Dostan Eldes ózara bólisti.
«Úzdik tele jáne radıobaǵdarlama» atalymy boıynsha birinshi oryn «Qazaq radıosynyń» redaktory Azamat Tilepovke buıyrdy, ekinshi oryn – «Jetisý» telearnasy» JSHS qyzmetkeri Murat Jumabaıdyń enshisinde (Taldyqorǵan q.).
«Úzdik maqala» jáne «Úzdik tele jáne radıobaǵdarlama» jeńimpazdarynyń árqaısysyna: birinshi oryn úshin – 750 000 teńge, ekinshi orynǵa – 500 000 teńge jáne úshinshi oryn ıelerine 300 000 teńgeniń sertıfıkaty tabystaldy.
Sondaı-aq, baıqaý qorytyndysy boıynsha 9 qatysýshy 100 000 teńgeden yntalandyrý syılyǵyna ıe boldy.