Qazaqstan Respýblıkasynyń memlekettik qyzmeti – memlekettik qyzmetshilerdiń memlekettik organdarda memlekettik bıliktiń mindetteri men fýnksıalaryn iske asyrýǵa baǵyttalǵan laýazymdyq ókilettikterdi atqarý jónindegi qyzmeti bolyp aıqyndalǵan.
«Qazaqstan Respýblıkasynyń memlekettik qyzmeti týraly» Qazaqstan Respýblıkasynyń 2015 jylǵy 23 qarashadaǵy № 416-V QRZ Zańynyń maqsaty memlekettik qyzmetshilerdiń mártebesin, negizgi quqyqtary men mindetterin, quqyqtyq jáne áleýmettik kepildikterin retteý bolyp tabylady.
Sonymen birge, kórsetilgen Zańnyń talaptaryna sáıkes memlekettik qyzmetshilerdiń óz mindetterin oryndaý retinde tıisti shekteýler belgilengen (Zańnyń 13 baby).
Memlekettik qyzmetshi tómende kórsetilgen shektýlerdi oryndaýǵa tıisti:
- ókildi organnyń depýtaty bolýǵa;
- pedagogtik, ǵylymı jáne ózge de shyǵarmashylyq qyzmetti qospaǵanda, basqa da aqy tólenetin qyzmetpen aınalysýǵa;
- kásipkerlik qyzmetpen aınalysýǵa, onyń ishinde komersıalyq uıymdy basqarýǵa (laýazymdyq ókilettikterine kirmeıtin bolsa);
- ózi qyzmet isteıtin ne ózine tikeleı baǵynysty nemese óziniń tikeleı baqylaýyndaǵy memlekettik organda úshinshi tulǵalardyń isteri boıynsha ókil bolýǵa;
- óziniń qyzmettik jumysyn materıaldyq-tehnıkalyq, qarjylyq jáne aqparattyq qamtamasyz etýge arnalǵan quraldardy, basqa da memlekettik múlik pen qyzmettik aqparatty qyzmettik emes maqsattarda paıdalanýǵa;
- ereýildi qosa alǵanda, memlekettik organdardyń qalypty jumys isteýine jáne laýazymdyq mindetterdi oryndaýǵa kedergi keltiretin áreketterge qatysýǵa;
- laýazymdyq ókilettikterin atqarýyna baılanysty azamattar men zańdy tulǵalardyń kórsetiletin qyzmetterin jeke maqsattarynda paıdalanýǵa quqyly emes.
Memlekettik qyzmetshi óz menshigindegi komersıalyq uıymdardyń jarǵylyq kapıtalyndaǵy úlesterdi, aksıalardy jáne paıdalanylýy kirister alýǵa ákeletin ózge de múlikti memlekettik qyzmetti ótkerý ýaqytynda Qazaqstan Respýblıkasynyń zańnamasynda belgilengen tártippen senimgerlik basqarýǵa notarıatty túrde kýálandyryp berýge mindetti jáne senimgerlik basqarýǵa berilgen múlikten kiris alýǵa quqyǵy bar.
Sonymen birge, memlekettik qyzmetshi óziniń jaqyn týystary atqaratyn laýazymǵa tikeleı baǵynysty bolatyn laýazymdy atqara almaıdy, sondaı-aq jaqyn týystary tikeleı baǵynysynda bola almaıdy.
Memlekettik qyzvetshi qyzmettik mindetterin tıimdi atqarý úshin óziniń kásibı deńgeıi men biliktiligin arttyrýǵa, Qazaqstan Respýblıkasynyń zańdarynda belgilengen shekteýler men tyıymdardy saqtaýǵa, sybaılas jemqorlyq kórinisterine qarsy turýǵa, sybaılas jemqorlyq quqyq buzýshylyqtarǵa jol bermeýge tıis.