Biraq qosymsha jumys kásipkerlikpen baılanysty bolmaýy kerek
Qazaqstanda memlekettik qyzmetkerlerge jumystan tys ýaqytta qosymsha tabys tabýǵa zań júzinde ruqsat berý múmkindigi qarastyrylýda. Bul týraly Ortalyq komýnıkasıalar qyzmetinde ótken brıfıńte QR Memlekettik qyzmet isteri agenttiginiń tóraǵasy Anar Jaıylǵanova málim etti, dep habarlaıdy Almaty-akshamy.kz
«Búgingi tańda zańnamada memlekettik qyzmetkerlerge qosymsha jumyspen aınalysýǵa ruqsat beretin norma joq. Biraq biz zańǵa bos ýaqytta qosymsha jumyspen aınalysý múmkindigin qarastyrý jóninde ózgerister engizý týraly oılap otyrmyz», - dedi Anar Jaıylǵanova.
Onyń pikirinshe, memlekettik qyzmetkerler kásipkerlikke jatpaıtyn qyzmettiń basqa túrlerimen aınalysý arqyly jumystan tys ýaqytta tabys ala alady. Alaıda, spıker túsindirgendeı, jumys kásipkerlikpen baılanysty bolmaýy kerek.
«Biz otbasyn asyraýǵa qosymsha qarajat qajet bolǵan jaǵdaıda (qosymsha jumys isteýge) múmkindik beretin zańnamalyq ózgeristerdi daıyndap jatyrmyz. Biraq ol áli qabyldanǵan joq. Al kásipkerlikpen aınalysýǵa bolmaıdy», - dedi Anar Jaıylǵanova.