Dáriger jańajyldyq dastarhannan keıin sırroz damýy múmkin ekenin eskertti
Sebebi osy merekeden keıin dárigerge júginetin adamdar kóbeıedi eken.
Gastroentorolog-gepatolog dáriger Olga Arısheva jańajyldyq merekeden keıin baýyr aýrýyna shaldyqqan naýqastar sany artatynyn aıtty, dep habarlaıdy Almaty-akshamy.kz tilshisi REN-tv-ǵa silteme jasap.
Onyń aıtýynsha, alǵashqy belgiler paıda bolǵannan keıin dárigerge qaralý kerek. Maman baýyr aýrýynyń belgilerin aýyrsyný, qusý, dıareıa nemese, kerisinshe, nájistiń bolmaýy, dene temperatýrasynyń joǵarylaýy, teriniń túsiniń ózgerýi nemese kózdiń sarǵaıýy dep atady. Dáriger demalys kezinde tamaqty baıqap jeýdi jáne densaýlyqty kútýdi usyndy. Ol óz keńesimen «Govorıt Moskva» radıo stansıasynyń efırinde bólisti.
Arısheva kóbinese osy merekeden keıin dárigerge densaýlyǵyna shaǵym aıtyp keletinder kóbeıetinin, tipti aýrýdyń asqynyp ketetini sonshalyq, adamdy aıaǵyna turǵyzý úshin biraz ýaqyt ketetinin aıtty