Almatylyq sportshylar jeńiske jetti
Almaty qalasynyń sport basqarmasynda málim etkendeı, 4-27 jeltoqsan aralyǵynda ótken V Qysqy respýblıkalyq spartakıadadanyń qorytyndysy boıynsha jalpykomandalyq esepte Almaty qalasynyń sportshylary jeńiske jetti (5795,4 upaı), dep habarlaıdy Almaty-akshamy.kz QazAqparatqa silteme jasap.
Ekinshi oryndy SHQO komandasy aldy (5664 upaı). Úshinshi oryn Aqmola oblysynyń sportshylaryna buıyrdy (2593 upaı). Almatylyq atletter 6 altyn jáne 5 kúmis medal ıelendi.
Júldegerler kýboktar, medaldar jáne maqtaý qaǵazdarymen marapattaldy. Spartakıadanyń aıaqtalý rásimi búgin «Almaty Arena» muz aıdynynda ótti. Aıta keteıik, buǵan deıingi ótken spartakıada da almatylyq sportshylar jeńimpaz atanǵan bolatyn.
Eske salsaq, Almatyda V Qysqy respýblıkalyq spartakıada 21 jeltoqsanda saltanatty túrde ashylǵan edi. Qysqy sport oıyndaryna elimizdiń eń myqty sportshylary: bıatlon, kerlıng, kónkımen júgirý, mánerlep syrǵanaý, short-trek, shaıbaly hokeı (erler), shaıbaly hokeı (áıelder), taý shańǵysy sporty, aralas shańǵy, shańǵymen sekirý, snoýbord, frıstaıl-mogýl, frıstaıl akrobatıka sport túrleri boıynsha synǵa tústi.