2024 jyldan bastap memlekettik qyzmettiń «B» korpýsyna jumysqa ornalasý úshin irkteý onlaın formatta júrgiziledi.
Bul týraly BAQ ókilderiniń saýalyna jaýap bergen Memlekettik qyzmet isteri agenttiginiń tóraǵasy Darhan Jazyqbaev aıtty, dep habarlaıdy Almaty-akshamy.kz QazAqparatqa silteme jasap.
«Biz «E-qyzmet» júıesin modernızasıaladyq, onyń syrtqy portalyn ashtyq. Qazirgi kezde bul júıe 5 memlekettik organda pılottyq negizde jumys istep tur. Iaǵnı, búginde memlekettik qyzmettiń «B» korpýsyna jumysqa ornalasý onlaın túrde bolady. Eger bıyl «E-qyzmet» synaqtan jaqsy ótetin bolsa, onda 2024 jyldan bastap barlyq memlekettik organdarǵa engiziletin bolady. Keler jyldan bastap memlekettik qyzmetke kiremin degen Qazaqstan azamattary onlaın ótedi. Qazir kóp másele konkýrstyq komısıanyń sheshimine baılanysty bolyp otyr. Sondyqtan biz osy júıeni tolyq engizip, 2025 jyly konkýrstyq komısıa bolmaıtyndaı etip jasaımyz», - dedi agenttik tóraǵasy.