Ramazan aıynda jurtshylyqtyń adal as izdeıtini málim.
Almaty Ortalyq meshitinde qalanyń bas ımamy Tólebı Dádiluly birqatar tamaqtaný oryndary men balabaqsha mekemesine halal damý sertıfıkattaryn tabystady, dep habarlaıdy Almaty-akshamy.kz QMDB baspasóz qyzmetine silteme jasap.
Kúlli musylman asyǵa kútken Ramazan aıynda jurtshylyqtyń adal as izdeıtini málim. Osyǵan oraı Ortalyq meshitte taraýıh namazynyń aldynda shahardaǵy «Kelınka» jáne «Zakaz plova» ataýymen dámdi as pen jetkizý qyzmetin usynyp otyrǵan tamaqtaný oryndaryna jańadan «QMDB Halal» sertıfıkatyn tabystady.
«Tutynýshy talabyna adal qyzmet etý men kásipterińizge bereke tileımin», - dedi bas ımam.
Sonymen qatar qalanyń bas ımamy Tólebı Dádiluly Almaty qalasynda tuńǵysh ret Bostandyq aýdanyna qarasty balabaqsha asqanasyna «QMDB Halal» sertıfıkatyn tabystady. Mektepke deıingi balalardy tárbıeleý ortalyǵynda tutynatyn as máziri ata-analardy kóp tolǵandyrǵan másele bolǵan. Osyǵan oraı mekeme basshylyǵy búldirshinderge usynatyn as mázirin tolyqtaı halal standarttary negizine kóshirip, búginde «Án-Nısa» balabaqshasynyń asqanasy halal as mázirin rastaıtyn qujat aldy.