Almatyda «Aqkent» shaǵyn aýdanyndaǵy órt kezinde adamdardy qutqarǵan azamattar Qazaqstan Prezıdentiniń atynan marapattaldy
Almaty ákimi Erbolat Dosaev Memleket basshysy Qasym-Jomart Toqaevtyń atynan Almatydaǵy «Aqkent» shaǵyn aýdanyndaǵy órt kezinde adamdardy qutqarǵan azamattarǵa memlekettik nagradalardy tabys etti.
Atap aıtqanda, tótenshe jaǵdaıda kórsetken erligi men janqıarlyǵy úshin Memleket basshysynyń Jarlyǵymen «Erligi úshin» medalimen «Expo Masters» JSHS menedjeri Tileýjan Ahmethanov, «Spark Elektromehanık» JSHS elektrıgi Gúnaı Shúkrú, «Spark Elektromehanık» JSHS elektromehanıgi Eldar Ismaılov, «Gask Construction» JSHS avtokran operatory Ierdelen Halıl, «Spark Elektromehanık» JSHS elektromehanıgi Kenan Mamedov, sonymen qatar, «Frank-Asia» JK avtokranynyń operatory Vadım Romanov marapattaldy.
Ol eger qaýip-qaterge qaramastan, adamdardy qutqarý úshin óz ómirlerin qaterge tigken azamattarymyzdyń batyldyǵy bolmasa, órttiń saldary odan da aýyr bolýy múmkin ekenin atap ótti.
«Bul qaıǵyly oqıǵa halqymyzdyń basqalar úshin qanshalyqty beı-jaı, janashyr jáne táýekelge barýǵa daıyn ekenin kórsetti. Men sol bir tabıǵı apat kúni aınalyp ótpegen, órt sóndirýshilerge kómektesýge asyqqan barlyq janǵa alǵysymdy bildiremin. Dál osyndaı adam - jaýapty azamat, «Adal azamat» týraly Memleket basshysy jaqynda ótken quryltaıda aıtty. Bárimiz mundaı qamqor adam bolýǵa tyrysamyz», - dedi Erbolat Dosaev.
Sonymen birge, qala ákimi órtti kásibı ári jedel túrde aýyzdyqtaǵan órt sóndirýshilerge alǵysyn bildirdi.