Memlekettik keńesshi Ulttyq quryltaıdyń Býrabaıda ótken otyrysynda Prezıdent kótergen bastamalary men bergen tapsyrmalaryn oryndaýǵa qatysty jumysty uıymdastyrý boıynsha jıyn ótkizdi, dep habarlaıdy aqshamnews.kz
Erlan Qarın Memleket basshysy óz sózinde máni zor gýmanıtarlyq, áleýmettik-ekonomıkalyq, ınfraqurylymdyq jobalar týraly aıtqanyn jáne basqa da zańnamalyq sıpattaǵy birqatar mańyzdy tapsyrma bergenin atap ótti.
Memlekettik keńesshi jaýapty organdarǵa Prezıdenttiń bastamalary men tapsyrmalaryn júzege asyrýǵa qatysty naqty qurylymy bar İs-sharalar josparyn muqıat pysyqtap, ázirleý týraly tapsyrma berdi.
Sondaı-aq jumys seksıalary men plenarlyq bóliginde Quryltaı músheleriniń usynystaryna qatysty bólek jospar ázirleýdi tapsyrdy. Erlan Qarın Prezıdent bastamalaryn júzege asyrý týraly aıta kelip, aldaǵy ýaqytta atqarylatyn birlesken jumysqa barlyq múddeli memlekettik organdar, Quryltaı músheleri, depýtattar men sarapshylar belsene atsalysýy qajet ekenin erekshe atap ótti.
Memlekettik keńesshi Prezıdent usynǵan máni zor jobalar men bastamalardy qoǵam arasynda jáne aqparat keńistiginde túsindirý óte mańyzdy dedi. Al óziniń telegram arnasynda «Býrabaıda ótken alqaly jıyn birneshe basty erekshelikterge ıe. Prezıdent sózi mazmuny men qurylymy jaǵynan jyldaǵy Joldaýmen para-par» dep jazdy Erlan Qarın.