Qazaqstan Respýblıkasynyń Memlekettik keńesshisi Erlan Qarın elimizge jumys saparymen kelgen Ózbekstan Respýblıkasy Prezıdentiniń kómekshisi Saıda Mırzıóevamen júzdesti, dep habarlaıdy aqshamnews.kz
Kezdesýde taraptar mádenı-gýmanıtarlyq saladaǵy eki jaqty qarym-qatynastyń ózekti máselelerin, sondaı-aq birlesken jobalardy júzege asyrý perspektıvasyn talqylady. Mádenıet jáne óner salasyndaǵy yqpaldastyqty tereńdetý ári tájirıbe almasý máselelerine basa nazar aýdaryldy.
Erlan Qarın Qazaqstanda júrgizilip jatqan ózgerister, sonyń ishinde Prezıdent Qasym-Jomart Toqaevtyń Ulttyq quryltaıdyń Býrabaıda ótken IV otyrysynda kótergen jańa bastamalary týraly aıtty.
Jumys sapary aıasynda eki el arasyndaǵy mádenı dıalogty damytýǵa baǵyttalǵan is-sharalar uıymdastyrylady. Atap aıtqanda, Erlan Qarın men Saıda Mırzıóeva Á. Naýaı atyndaǵy Ózbekstan memlekettik opera jáne balet Úlken teatrynyń «Lazgı. Jan men mahabbat bıi» atty qoıylymyn tamashalady.