Tergeý júrgizilip jatyr.
Qaırat Satybaldyǵa qatysty basqa da ister boıynsha tergeý júrip jatyr. Bul týraly Bas prokýrorynyń orynbasary Áset Shyndalıev málim etti, dep habarlaıdy Almaty-akshamy.kz QazAqparatqa silteme jasap.
«Qaırat Satybaldyǵa qatysty isti Sybaılas jemqorlyqqa qarsy agenttik júrgizdi. Tek eki epıozdty qarady. Iaǵnı «Kóliktik servıs ortalyǵy» men «Qazaqtelekom» kompanıasyna zalal keltirgeni tergeldi. Ózińiz biletindeı, ekeýine shamamen 42 mlrd teńgedeı materıaldyq zıan keltirilgen. Sol eki epızod qana qaraldy. Basqa ister qazir tergeý barysynda», - dedi Áset Shyndalıev Májiliste tilshiler suraǵyna jaýap bere otyryp.
Budan buryn habarlanǵandaı, jaqynda elordada Qaırat Satybaldy isine qatysty sot úkimi shyǵyp, 6 jylǵa sottaldy .
Astana qalasynyń №2 Baıqońyr aýdandyq sotynda «Kóliktik servıs ortalyǵy» AQ-nyń múlkin talan-tarajǵa salý, sondaı-aq «Qazaqtelekom» AQ-ǵa múliktik zalal keltirý faktisi boıynsha Qaırat Satybaldy isine qatysty aıyptaý úkimi jarıalandy .
Málim bolǵandaı, 2018-2022 jyldar aralyǵynda Q.Satybaldy talan-tarajǵa salý arqyly «Kóliktik servıs ortalyǵy» AQ qarajatyn jymqyrýdy uıymdastyrǵan.