2024 jyly elimizde 29 iri zaýyt salyndy. Bul týraly Úkimettiń keńeıtilgen otyrysynda Premer-mınıstr Oljas Bektenov baıandady, dep habarlaıdy aqshamnews.kz
Mysaly, Qostanaı oblysynda shoıyn quıý, Almaty oblysynda vólfram jáne jylý oqshaýlaǵysh materıaldar, Shymkentte baǵaly metaldardy óńdeý, Qaraǵandy oblysynda katodty mys, avtomobıl shınalary men turmystyq tehnıka shyǵaratyn ónerkásiptik nysandar salyndy. Saran qalasynda zamanaýı óndiristerdiń iske qosylýy onyń monoqalalar sanatynan shyǵýyna múmkindik berdi.
Sondaı-aq alǵash ret elimizde 19 mln sharshy metr turǵyn úı salyndy. 397 densaýlyq saqtaý nysany, 298 bilim berý nysany boı kóterdi. 11 myń orynǵa arnalǵan 40 stýdenttik jataqhana paıdalanýǵa berildi. 12 myń shaqyrym avtomobıl joldary jáne 2,8 myń shaqyrym temirjol jóndeldi. Almaty, Qyzylorda jáne Shymkent áýejaılarynda 3 jańa termınal paıdalanýǵa berildi.
Qosymsha 300 myńnan astam adam gazben qamtylyp, 200 myńnan astam adam ortalyq sý júıesine qosyldy. 542 shaqyrym jylý jelileri men 55 jylý kózi jańǵyrtylyp, 6,5 myń shaqyrym ınjenerlik jeliler jóndeldi. Jalpy qýaty 700 MVt-tan asatyn qosymsha elektr qýatyn óndirý kózderi iske qosyldy.