Qasym-Jomart Toqaev ekijaqty kezdesýler ótkizdi, dep habarlaıdy aqshamnews.kz
Sheteldik ınvestorlar keńesiniń otyrysy aıasynda Memleket basshysy birqatar halyqaralyq kompanıanyń ókilderimen kezdesti.
Memleket basshysy Wabtec prezıdenti jáne bas atqarýshy dırektory Rafael Santanamen áńgimelesý barysynda kompanıanyń uzaq jyldan beri Qazaqstannyń temirjol salasyndaǵy senimi seriktesine aınalǵanyn, elimizge 230 mıllıon dollardan asa ınvestısıa quıǵanyn atap ótti.
Amerıkalyq Wabtec korporasıasy kólik tehnologıasy boıynsha kóshbasshy kompanıalardyń biri retinde tanylǵan.
Qasym-Jomart Toqaev elimiz lokomotıvtiń jańa túrlerin shyǵarý, servıstik ortalyqtardy keńeıtý, biliktilik ortalyqtaryn qurý jáne óndiris lokalızasıasyn arttyrý baǵyttary boıynsha kompanıamen strategıalyq yntymaqtastyqty odan ári jalǵastyrýǵa nıetti ekenin jetkizdi.