Qala ákimi Saıran sý qoımasyndaǵy tártipsizdikti joıýdy talap etti, dep habarlaıdy aqshamnews.kz
Almatyda ótken aparattyq keńestiń basqosýynda qańtar-mamyr aılarynda búdjetti júzege asyrý jáne áleýmettik-ekonomıkalyq damý qorytyndylary, sondaı-aq "Taza Qazaqstan" baǵdarlamasynyń oryndalý barysy pysyqtaldy.
Qala ákimi Darhan Satybaldy Saıran sý qoımasynyń sanıtarlyq jaǵdaıyna erekshe mán berdi. Ekologıa, qoǵamdyq keńistikti damytý men Polısıa basqarmalaryna quqyq buzýshylarǵa baqylaý men qatań sharanyń joqtyǵy synaldy. Merdigerge oryn alǵan barlyq kemshilikterdi joıý úshin sońǵy eskertý jasaldy.
Aýdan ákimderine qalanyń problemalyq ýchaskelerin qoqystan tazartyp, bitelgen aryqtardy retke keltirý tapsyryldy. Jumys erekshe baqylaýda bolady.
Sondaı-aq, qala basshysy Almatynyń kúzgi kógaldandyrý josparyn usynýdy jáne aýany lastaıtyn kólikke baqylaýdy kúsheıtýdi tapsyrdy.
2030 jylǵa qaraı JÓÓ-ni eki esege arttyrý josparyn ázirlep, 2027-2028 jyldarǵa arnalǵan ınvestısıalardyń ósý kózderin anyqtaý mindeti qoıyldy.